Jobe 26:1-14
26 Jobe o ne a araba a re:
2 “Ruri o ne wa thusa yo o se nang maatla!
Ruri o ne wa boloka yo o se nang nonofo!+
3 Ruri o neile yo o se nang botlhale kgakololo e e maatla!+
Ruri o senotse botlhale jwa gago jo bo mosola* ka kgololesego!*
4 O leka go bua le mang,Mme ke mang yo o go tlhotlheleditseng go bua dilo tse di ntseng jaana?*
5 Ba ba suleng ba a roroma;Tota e bile ba kwa tlase go gaisa metsi le se se nnang mo go one.
6 Ga go na sepe se se mo Lebitleng* se Modimo*+ a sa kgoneng go se bonaE bile o bona sengwe le sengwe se se mo lefelong la tshenyego.*
7 O otlololela loapi lo lo kwa bokone* mo go se nang sepe,+O lepeletsa lefatshe mo go se nang sepe;
8 O phuthela metsi sentle mo marung a gagwe,+Gore maru a se ka a phatloga ka ntlha ya boima jwa one;
9 O tswalela setulo sa gagwe sa bogosi gore se se ka sa bonwa,O tsharololela leru la gagwe mo godimo ga sone.+
10 O dira molelwane* fa gare ga loapi le lewatle;+O dira molelwane fa gare ga lesedi le lefifi.
11 Dipilara tsa legodimo di a reketla;Di gakgametse ka ntlha ya kgalemo ya gagwe.
12 O fudua lewatle ka maatla a gagwe,+E bile ka tlhaloganyo ya gagwe o thubaganya setshedi se setona sa lewatle.*+
13 Ka mohemo* wa gagwe o dira gore loapi lo apoge;Seatla sa gagwe se tlhaba noga e e lelemelang.
14 Ano ke maoko fela a ditiro tsa gagwe;+Ruri se se utlwilweng ka ga gagwe ke modumonyana fela o o kwa tlase!
Ka jalo, ke mang yo o ka tlhaloganyang tumo ya gagwe e kgolo?”+
Dintlha Tse di Kwa Tlase
^ Kgotsa “tlhaloganyo ya gago.”
^ Kgotsa “ka bontsi.”
^ Seheb., “Mme ke mohemo (moya) wa ga mang o o duleng mo go wena?”
^ Kgotsa “Sheole.” Bona Ditlhaloso Tsa Mafoko.
^ Seheb., “ene.”
^ Kgotsa “mo Abadona.”
^ Seheb., “O otlololela bokone.”
^ Seheb., “kgolokwe.”
^ Seheb., “Rahabe.”
^ Kgotsa “phefo.”
