Joshua 15:1-63
15 Lefatshe le le neng le kgaoganyeditswe*+ lotso lwa ga Juda go ya ka malapa a bone le ne le fitlha kwa molelwaneng wa Edoma,+ e leng naga ya Tsine, go ya kwa Negebe kwa ntlheng ya yone e e kwa borwa.
2 Molelwane wa bone o o kwa borwa o ne o simologa kwa bofelelong jwa Lewatle la Letswai,*+ kwa ntlheng e e kwa borwa.
3 Mme o ne o fitlha kwa borwa kwa thotaneng ya Akarabime,+ o ne o fetela kwa Tsine, go tswa foo o bo o tlhatloga o tswa kwa borwa o ya Kadeshe-barenea,+ o fetela kwa Heserone, o tlhatlogela kwa Adara o bo o dikologa o ya ntlheng ya Kareka.
4 Go tswa foo, o ne o fetela kwa Asemone+ o bo o ya kwa Molapong wa Egepeto,+ mme molelwane oo o ne o felela kwa Lewatleng.* Ono e ne e le molelwane wa bone o o kwa borwa.
5 Molelwane o o kwa botlhaba e ne e le Lewatle la Letswai* go ya go fitlha kwa Joredane e felelang gone, mme molelwane o o kwa bokone o ne o simologa kwa ntlheng ya lewatle, kwa Joredane e felelang gone.+
6 Molelwane oo o ne o tlhatlogela kwa Bethe-hogola+ o bo o kgabaganya kwa bokone jwa Bethe-araba,+ mme molelwane oo o ne wa tlhatlogela kwa lejeng la ga Bohane+ morwa Rubene.
7 Molelwane oo o ne o tlhatlogela kwa Debire kwa Mokgatšheng* wa Akore+ o bo o leba kwa bokone kwa Gilegala,+ e e fa pele ga thotana ya Adumime ka fa borwa jwa molapo, mme molelwane o ne o kgabaganyetsa kwa metsing a Ene-shemeshe+ o bo o felela kwa Ene-rogele.+
8 Molelwane oo o ne o tlhatlogela kwa Mokgatšheng wa ga Morwa Hinoma+ go ya kwa mokgokoloseng wa Mojebuse+ kwa borwa, e leng Jerusalema,+ mme molelwane o ne o tlhatlogela kwa godimo ga thaba e e lebaganeng le Mokgatšha wa Hinoma go ya kwa bophirima, o o kwa bofelelong jwa Mokgatšha* wa Refaime go ela kwa bokone.
9 Mme molelwane o ne wa tshwaiwa go simologa kwa godimo ga thaba go ya kwa motsweding wa metsi a Nefetoa+ o bo o fetela kwa metseng ya Thaba ya Eferone; mme molelwane o ne wa tshwaiwa go ya kwa Baala, e leng Kiriathe-jearime.+
10 Molelwane oo o ne o dikologa go tswa kwa Baala kwa bophirima o ya kwa Thabeng ya Seire o bo o kgabaganyetsa kwa mokgokoloseng wa Thaba ya Jearime kwa bokone, e leng Kesalone, mme o ne o fologela kwa Bethe-shemeshe+ o bo o kgabaganyetsa kwa Timena.+
11 Mme molelwane o ne o fetela kwa mokgokoloseng wa Ekerone+ o ya kwa bokone, mme molelwane o ne wa tshwaiwa go ya kwa Shikerone o bo o kgabaganyetsa kwa Thabeng ya Baala o bo o fetela kwa Jabeneele, mme molelwane oo o ne o felela kwa lewatleng.
12 Molelwane o o kwa bophirima o ne o le kwa Lewatleng le Legolo*+ le lotshitshi lwa lone. Ono e ne e le molelwane wa ditlogolwana tsa ga Juda go ya ka malapa a bone mo matlhakoreng otlhe.
13 Mme o ne a naya Kalebe+ morwa Jefune kabelo mo ditlogolwaneng tsa ga Juda go ya ka taelo ya ga Jehofa e a neng a e neile Joshua, o ne a mo naya Kiriathe-areba (Areba e ne e le rraagwe Anake), e leng Heberone.+
14 Ka jalo, Kalebe o ne a leleka bomorwa Anake+ bano ba bararo koo: Sheshai, Ahimane le Talemai,+ ditlogolwana tsa ga Anake.
15 Fa a tswa koo, o ne a ya go tlhabana le banni ba kwa Debire.+ (Leina la Debire pele e ne e le Kiriathe-sefere.)
16 Morago ga moo, Kalebe o ne a re: “Monna yo o tla kgemethang Kiriathe-sefere a bo a e gapa, ke tla mo naya morwadiake e bong Akesa gore a mo nyale.”
17 Mme Otheniele+ morwa wa ga monnawe Kalebe yo o bidiwang Kenase,+ o ne a e gapa. Ka jalo, o ne a mo naya morwadie e bong Akesa+ gore a mo nyale.
18 Fa Akesa a ne a ya gae, o ne a tlhotlheletsa Otheniele gore a kope tshimo mo go rraagwe.* Go tswa foo, Akesa o ne a fologa tonki ya gagwe.* Kalebe o ne a mmotsa jaana: “O batla eng?”+
19 Akesa o ne a re: “Tsweetswee, ntshegofatse, ka gonne o nneile karolo ya lefatshe kwa borwa;* nneye gape le Gulothe-maime.”* Ka jalo, o ne a mo naya Gulothe yo o Kwa Godimo le Gulothe yo o Kwa Tlase.
20 Jono e ne e le boswa jwa lotso lwa ga Juda go ya ka malapa a bone.
21 Metse e e neng e le kwa bofelelong jwa lotso lwa ga Juda go ela kwa molelwaneng wa Edoma+ kwa borwa e ne e le: Kabeseele, Edere, Jagure,
22 Kina, Dimona, Adada,
23 Kedeshe, Hasore, Ithenane,
24 Siife, Teleme, Bealothe,
25 Hasore-hadata, Keriothe-heserone, e leng Hasore,
26 Amame, Shema, Molada,+
27 Hasare-gada, Heshemone, Bethe-pelete,+
28 Hasare-shuale, Beere-sheba,+ Bisiothia,
29 Baala, Ime, Eseme,
30 Eletolade, Kesila, Horema,+
31 Sikelage,+ Mademana, Sanesana,
32 Lebaothe, Shilehime, Aine le Rimone,+ metse eo yotlhe e ne e le 29 mmogo le metsana ya yone.
33 Kwa Shefela+ go ne go na le: Eshetaole, Sora,+ Ashena,
34 Sanoa, Ene-ganime, Tapua, Ename,
35 Jaremuthe, Adulama,+ Sokho, Aseka,+
36 Shaaraime,+ Adithaime le Gedera le Gederothaime,* metse e le 14 le metsana ya yone.
37 Senane, Hadasha, Migedale-gade,
38 Dileane, Misepe, Joketheele,
39 Lakishe,+ Bosekathe, Egelone,
40 Kabone, Lahemame, Kitilisha,
41 Gederothe, Bethe-dagone, Naama le Makeda,+ metse e le 16 le metsana ya yone.
42 Libena,+ Ethere, Ashane,+
43 Ifeta, Ashena, Nesibe,
44 Keila, Akesibe le Mareshahe, metse e le robongwe le metsana ya yone.
45 Ekerone le metse e e e dikologileng le metsana ya yone;
46 go tswa Ekerone go ya kwa bophirima, metse yotlhe e e fa thoko ga Ashedoda le metsana ya yone.
47 Ashedoda,+ metse e e e dikologileng le metsana ya yone; Gasa,+ metse e e e dikologileng le metsana ya yone, go ya go fitlha kwa Molapong wa Egepeto le kwa Lewatleng le Legolo* le kgaolo e e gaufi le lone.+
48 Mme mo kgaolong e e dithaba go ne go na le Shamire, Jatire,+ Sokho,
49 Danna, Kiriathe-sanna, e leng Debire,
50 Anabe, Eshetemo,+ Anime,
51 Goshene,+ Holone le Gilo,+ metse e le 11 le metsana ya yone.
52 Arabia, Duma, Eshane,
53 Janime, Bethe-tapua, Afeka,
54 Humeta, Kiriathe-areba, e leng Heberone+ le Siore, metse e le robongwe le metsana ya yone.
55 Maone,+ Karemele, Siife,+ Juta,
56 Jesereele, Jokedeame, Sanoa,
57 Kaine, Gibea le Timena,+ metse e le lesome le metsana ya yone.
58 Halehule, Bethe-sure, Gedore,
59 Maarathe, Bethe-anothe le Eletekone, metse e le merataro le metsana ya yone.
60 Kiriathe-baale, e leng Kiriathe-jearime+ le Raba, metse e le mebedi le metsana ya yone.
61 Mo nageng go ne go na le Bethe-araba,+ Midine, Sekaka,
62 Nibeshane, Motse wa Letswai le Ene-gedi,+ metse e le merataro le metsana ya yone.
63 Mme Bajebuse+ ba ba neng ba nna kwa Jerusalema+ bone, banna ba Juda ba ne ba sa kgone go ba leleka,+ ka jalo, Bajebuse ba tswelela ba nna le batho ba Juda kwa Jerusalema go tla go fitlha mo letsatsing leno.
Dintlha Tse di Kwa Tlase
^ Kgotsa “abetswe ka bola.”
^ Go tewa Lewatle le le Suleng.
^ Go tewa Lewatle le Legolo, Lewatle la Mediterranean.
^ Go tewa Lewatle le le Suleng.
^ Kgotsa “Lebala le le Kwa Tlase.”
^ Kgotsa “Lebala le le Kwa Tlase.”
^ Go tewa Lewatle la Mediterranean.
^ Kgotsa gongwe “o ne a opa diatla tsa gagwe a ntse a le mo tonking.”
^ Go tewa Kalebe.
^ Kgotsa “Negebe.”
^ Mo go kayang “Dijana (Dikotlele) Tsa Metsi.”
^ Kgotsa gongwe “Gedera le masaka a yone a dinku.”
^ Go tewa Lewatle la Mediterranean.
