Joshua 19:1-51
19 Go tswa foo, go ne ga tswa karolo ya bobedi e e abilweng ka bola+ e le ya ga Simeone,+ e le ya lotso lwa ga Simeone go ya ka malapa a bone. Mme boswa jwa bone bo ne bo le mo gare ga boswa jwa ga Juda.+
2 Boswa jwa bone e ne e le Beere-sheba+ mmogo le Sheba, Molada,+
3 Hasare-shuale,+ Bala, Eseme,+
4 Eletolade,+ Bethule, Horema,
5 Sikelage,+ Bethe-marekabothe, Hasare-susa,
6 Bethe-lebaothe+ le Sharuhene, metse e le 13 le metsana ya yone;
7 Aine, Rimone, Ethere le Ashane,+ metse e le menê le metsana ya yone;
8 le metsana yotlhe e e neng e dikologile metse eno go ya go fitlha kwa Baalathe-beere, Rama e e kwa borwa. Jono e ne e le boswa jwa lotso lwa ga Simeone go ya ka malapa a bone.
9 Boswa jwa ditlogolwana tsa ga Simeone bo ne jwa tsewa mo karolong e e abilweng ka bola ya ga Juda, ka gonne kabelo ya ga Juda e ne e le kgolo thata mo go bone. Ka jalo, ditlogolwana tsa ga Simeone di ne tsa amogela thuo mo gare ga boswa jwa bone.+
10 Morago ga moo, go ne ga tswa karolo ya boraro e e abilweng ka bola+ e le ya ditlogolwana tsa ga Sebulone+ go ya ka malapa a bone, mme molelwane wa boswa jwa bone o ne wa ya go fitlha kwa Saride.
11 Molelwane wa bone o ne wa tlhatlogela kwa bophirima kwa Mareale mme wa fitlha kwa Dabeshethe, go tswa foo o bo o ya kwa mokgatšheng* o o fa pele ga Jokeneame.
12 Mme o ne wa tswa kwa Saride wa ya ntlheng ya botlhabatsatsi, wa ya kwa molelwaneng wa Kiselothe-tabore o bo o tswa o ya kwa Daberathe,+ go tswa foo o bo o tlhatlogela kwa Jafia.
13 Mme fa o tswa koo, o ne wa tswelela wa ya ntlheng ya botlhabatsatsi o ya Gathe-hefere,+ wa ya kwa Ethe-kasine o bo o ya kwa Rimone, mme o ne wa fetela kwa Nea.
14 Mme kwa bokone, molelwane oo o ne wa dikologa wa ya kwa Hanathone, mme o ne wa felela kwa Mokgatšheng wa Ifeta-hele,
15 le Katathe, Nahalale, Shimerone,+ Idala le Bethelehema,+ metse e le 12 le metsana ya yone.
16 Jono e ne e le boswa jwa ditlogolwana tsa ga Sebulone go ya ka malapa a bone.+ Eno e ne e le metse le metsana ya yone.
17 Go ne ga tswa karolo ya bonê e e abilweng ka bola+ e le ya ga Isakare,+ e le ya ditlogolwana tsa ga Isakare go ya ka malapa a bone.
18 Mme molelwane wa bone o ne o ya kwa Jesereele,+ Kesulothe, Shunema,+
19 Hafaraime, Shione, Anaharathe,
20 Rabithe, Kishione, Ebese,
21 Remethe, Ene-ganime,+ Ene-hada le Bethe-pasese.
22 Mme molelwane oo o ne wa ya go fitlha kwa Tabore+ le Shahasuma le Bethe-shemeshe, mme molelwane wa bone o ne o felela kwa Joredane, metse e le 16 le metsana ya yone.
23 Jono e ne e le boswa jwa lotso lwa ga Isakare go ya ka malapa a bone,+ metse le metsana ya yone.
24 Go tswa foo, go ne ga tswa karolo ya botlhano e e abilweng ka bola+ e le ya lotso lwa ga Ashera+ go ya ka malapa a bone.
25 Mme molelwane wa bone e ne ya nna Helekathe,+ Hali, Betene, Akeshafe,
26 Alameleke, Amada le Mishale. O ne wa fitlha kwa bophirima go ya kwa Karemele+ le kwa Shihore-libenathe,
27 mme o ne wa boela morago kwa ntlheng ya botlhaba o ya Bethe-dagone o bo o fitlha kwa Sebulone le kwa Mokgatšheng wa Ifeta-hele kwa bokone, wa ya kwa Bethe-emeke le Neiele o bo o fetela kwa Kabule ka fa molemeng,
28 mme o ne wa fetela kwa Eberone, Rehobe, Hamone le Kana go ya go fitlha kwa Sidona yo Mogolo.+
29 Molelwane oo o ne wa boela morago kwa Rama mme wa ya go fitlha kwa motseng wa Ture+ o o sireletsegileng. Go tswa foo, molelwane oo o ne wa boela morago kwa Hosa, mme o ne o felela kwa lewatleng mo kgaolong ya Akesibe,
30 Uma, Afeke+ le Rehobe,+ metse e le 22 le metsana ya yone.
31 Jono e ne e le boswa jwa lotso lwa ga Ashera go ya ka malapa a bone.+ Eno e ne e le metse le metsana ya yone.
32 Go ne ga tswa karolo ya borataro e e abilweng ka bola+ e le ya ditlogolwana tsa ga Nafetali, e le ya ditlogolwana tsa ga Nafetali go ya ka malapa a bone.
33 Molelwane wa bone o ne o simologa kwa Helefe, go tswa mo setlhareng se segolo kwa Saananime,+ le kwa Adami-nekebe le kwa Jabeneele go ya go fitlha kwa Lakume; mme o ne wa felela kwa Joredane.
34 Molelwane oo o ne wa boela morago kwa ntlheng ya bophirima o ya Asanothe-tabore mme o ne wa tswa koo wa fetela kwa Hukoke o bo o fitlha kwa Sebulone kwa borwa, mme o ne wa ya kwa Ashera kwa bophirima le kwa Juda kwa Joredane go ela kwa botlhaba.
35 Mme metse e e sireletsegileng e ne e le Sidime, Sere, Hamatha,+ Rakathe, Kinerethe,
36 Adama, Rama, Hasore,+
37 Kedeshe,+ Ederei, Ene-hasore,
38 Irone, Migedale-ele, Horeme, Bethe-anathe le Bethe-shemeshe,+ metse e le 19 le metsana ya yone.
39 Jono e ne e le boswa jwa lotso lwa ga Nafetali go ya ka malapa a bone,+ metse le metsana ya yone.
40 Go ne ga tswa karolo ya bosupa e e abilweng ka bola+ e le ya lotso lwa ga Dana+ go ya ka malapa a bone.
41 Mme molelwane wa boswa jwa bone e ne e le Sora,+ Eshetaole, Ire-shemeshe,
42 Shaalabine,+ Aijalona,+ Ithela,
43 Elone, Timena,+ Ekerone,+
44 Eleteke, Gibethone,+ Baalathe,
45 Jehude, Bene-berake, Gathe-rimone,+
46 Me-jarekone le Rakone le molelwane o o lebaganeng le Jopa.+
47 Le fa go ntse jalo, karolo ya naga ya ga Dana e ne e le nnye thata mo go bone.+ Ka jalo, ba ne ba tsamaya mme ba ya go tlhabana le Lesheme+ ba bo ba e gapa mme ba ne ba e kgemetha ka tšhaka. Go tswa foo, ba ne ba e gapa ba bo ba nna mo go yone, mme ba ne ba fetola leina la Lesheme gore e nne Dana, ba e reelela ka leina la ga Dana rraabonemogolo.+
48 Jono e ne e le boswa jwa lotso lwa ga Dana go ya ka malapa a bone. Eno e ne e le metse le metsana ya yone.
49 Ka jalo, ba ne ba fetsa go kgaoganya lefatshe gore e nne boswa go ya ka dikarolo tsa lone. Go tswa foo, Baiseraele ba ne ba abela Joshua morwa Nune boswa mo lefatsheng la bone.
50 Go ya ka taelo ya ga Jehofa, ba ne ba mo naya motse o a neng a o kopa, e leng Timenathe-sera,+ o o mo kgaolong e e dithaba ya Eferaime, mme o ne a aga motse a bo a nna mo go one.
51 Jono e ne e le boswa jo moperesiti Eliasare, Joshua morwa Nune le ditlhogo tsa dikgotla tsa ditso tsa Iseraele, ba neng ba bo aba+ ka bola kwa Shilo+ fa pele ga ga Jehofa, kwa kgorong ya tente ya bokopanelo.+ Ka jalo, ba ne ba fetsa go kgaoganya lefatshe.
Dintlha Tse di Kwa Tlase
^ Kgotsa “kwa molapong.”
