Mika 2:1-13
2 “Ruri go latlhega ba ba logang maano a a utlwisang botlhoko,Ba ba akanyang se se bosula mo malaong a bone!
Ka masa ba bo ba se diragatsa,Ka gonne go le mo maatleng a bone.+
2 Ba eletsa masimo e bile ba a a gapa;+Le matlo, e bile ba a a tsaya;Ba tsietsa motho gore ba mo tseele ntlo ya gagwe,+Ba tsietsa motho gore ba mo tseele boswa jwa gagwe.
3 Ka jalo, seno ke se Jehofa a se buang:
‘Jaanong ke rulaganya go lo tlisetsa masetlapelo+ a lo se kitlang lo a falola.*+
Ga lo kitla lo tlhola lo tsamaya ka mabela,+ ka gonne ke nako ya masetlapelo.+
4 Mo letsatsing leo, batho ba tla bua seane ka lona,Mme ba tla lo lelela mo go botlhoko.+
Ba tla re: “Re gapetswe dilo tsa rona!+
Modimo o ne a tsaya naga ya rona a bo a e naya batho ba bangwe,+O e neile setšhaba se se sa mo direleng.”
5 Ka jalo, ga o kitla o nna le ope mo phuthegong ya ga Jehofa yo o tla phuthololang mogala o o lekanyangGore a kgaoganye naga.
6 “Tlogelang go rera!” bone ba a rera,“Dilo tseno ga di a tshwanela go rerwa;Ga re kitla re tlontlololwa!”
7 Lona ditlogolwana tsa ga Jakobe, lo utlwile batho ba re:
“A Jehofa o fedile pelo?
A tseno ke ditiro tsa gagwe?”
A mafoko a me ga a thuse ba ba inkobelang?
8 Le fa go ntse jalo, bosheng jaana batho ba me ba fetogile mmaba.
Ba ba fetang ka tsela ba le pelokgale jaaka ba ba boang kwa ntweng,Lo ba tseela mokgabisa o montle mmogo le* seaparo lo sa iphitlhe.
9 Lo leleka basadi ba batho ba me mo matlong a bone a ba itumelelang go nna mo go one;Lo amoga bana ba bone dilo tse dintlentle tse ke ba segofaditseng ka tsone lo bo lo sa di ba busetse.
10 Ema mme o tsamaye, ka gonne leno ga se lefelo la go ikhutsa.
Go na le tshenyo, tshenyo e kgolo+ ka ntlha ya ditiro tsa gago tse di seng phepa.+
11 Fa motho a dira dilo tse di se nang mosola e bile a tsietsa le go bua maaka ano a re:
“Ke tla lo rerela ka beine le ka senô se se tagang,”Foo e tla bo e le motho fela yo o rerelang batho bano!+
12 Lona ba ga Jakobe, ruri ke tla lo phutha lotlhe fela;Ke tla phutha ba ba setseng ba Iseraele.+
Ke tla ba baya mmogo ka kutlwano, jaaka dinku di le mo lesakeng,Jaaka letsomane le le fulang mmogo;+Go tla utlwala modumo wa batho ba bantsi.’+
13 Yo o phunyang phatlha o tla tsamaya kwa pele ga bone;Ba tla oketsa phatlha eo ba bo ba feta mo kgorong mme ba tla tswa ka yone.+
Kgosi ya bone e tla fetela kwa pele ga bone,Jehofa a le kwa pele ga bone.”+
Dintlha Tse di Kwa Tlase
^ Seheb., “a lo se kitlang lo ntsha melala ya lona mo go one.”
^ Kgotsa gongwe “o o mo.”
