Tshenolo e e Yang Kwa go Johane 20:1-15
20 Mme ke ne ka bona moengele a fologa kwa legodimong a tshotse selotlolo sa khuti e e kwa tengteng*+ le keetane e kgolo.
2 O ne a tshwara noga e kgolo,*+ noga ya kwa tshimologong,+ yo e leng Diabolo+ le Satane,+ a bo a mmofa dingwaga di le 1 000.
3 Mme o ne a mo latlhela mo khuting e e kwa tengteng,+ a e lotlela a bo a e kana, gore a se ka a tlhola a tsietsa ditšhaba go fitlha dingwaga tse 1 000 di wela. Morago ga moo, o tla gololwa ka lobakanyana.+
4 Ke ne ka bona ditulo tsa bogosi, mme ba ba ntseng mo go tsone ba ne ba newa taolo ya gore ba atlhole. Ke ne ka bona madi* a ba ba bolailweng* ka gonne ba ne ba naya bosupi ka Jesu le ka gonne ba ne ba bua ka Modimo, le ba ba neng ba sa obamele sebatana kgotsa setshwantsho sa sone le ba ba neng ba sa itetla go tshwaiwa mo phatleng le mo seatleng.+ Ba ne ba tshela gape ba bo ba busa e le dikgosi le Keresete+ dingwaga di le 1 000.
5 (Baswi ba bangwe botlhe+ ba ne ba se ka ba tshela go fitlha dingwaga tse 1 000 di wela.) Eno ke tsogo ya ntlha.+
6 Go itumela batho ba ba tsosiwang mo tsogong ya ntlha e bile ba boitshepo;+ ga ba kitla ba swa loso lwa bobedi,+ mme ba tla nna baperesiti+ ba Modimo le ba ga Keresete, e bile ba tla busa le ene e le dikgosi dingwaga di le 1 000.+
7 Jaanong fela fa dingwaga tse 1 000 di sena go wela, Satane o tla ntshiwa mo kgolegelong,
8 mme o tla tswa a ya go timetsa ditšhaba tse di mo lefatsheng lotlhe, e leng Gogo le Magogo, gore a di phuthele go ya ntweng. Palo ya bone e tshwana le motlhaba* wa lewatle.
9 Mme ba ne ba anamela mo lefatsheng lotlhe ba bo ba ema go dikologa kampa ya ba ba boitshepo le motse o Modimo a o ratang. Le fa go ntse jalo, molelo o ne wa tswa kwa legodimong o bo o ba laila.+
10 Mme Diabolo yo o neng a ba tsietsa o ne a latlhelwa mo letšheng le le tukang molelo o mogolo, kwa sebatana+ mmogo le moporofeti wa maaka ba neng ba setse ba le gone;+ mme ba tla boga* bosigo le motshegare ka bosakhutleng le go ya go ile.
11 Mme ke ne ka bona setulo sa bogosi se segolo se sesweu le Ene yo o ntseng mo go sone.+ Lefatshe le legodimo di ne tsa tshaba fa pele ga gagwe,+ mme di ne tsa se ka tsa tlhola di bonwa.
12 Gape ke ne ka bona baswi, ba bagolo le ba bannye, ba eme fa pele ga setulo sa bogosi, mme go ne ga bulwa memeno. Go ne ga bulwa momeno o mongwe; ke momeno wa botshelo.+ Baswi ba ne ba atlholwa go ya ka ditiro tsa bone go dirisiwa dilo tse di kwadilweng mo memenong eo.+
13 Mme lewatle le ne la ntsha baswi ba ba mo go lone, le loso le Lebitla* di ne tsa ntsha baswi ba ba mo go tsone, mme mongwe le mongwe wa bone o ne a atlholwa go ya ka ditiro tsa gagwe.+
14 Mme loso le Lebitla* di ne tsa latlhelwa mo letšheng le le tukang molelo o mogolo.+ Seno se kaya loso lwa bobedi,+ e leng letšha la molelo.+
15 Mo godimo ga moo, ope fela yo o neng a sa kwalwa mo bukeng ya botshelo+ o ne a latlhelwa mo letšheng leo la molelo.+
Dintlha Tse di Kwa Tlase
^ Bona Ditlhaloso Tsa Mafoko.
^ Kgotsa “kgogela.”
^ Seger., “ba ba bolailweng ka selepe.”
^ Kgotsa “moshawa.”
^ Kgotsa “ba tla bo ba le mo kgolegelong.”
^ Kgotsa “Hadese.” Bona Ditlhaloso Tsa Mafoko.
^ Kgotsa “Hadese.” Bona Ditlhaloso Tsa Mafoko.
