Tshenolo e e Yang Kwa go Johane 8:1-13
8 E rile a+ bula sekano* sa bosupa,+ go ne ga nna tidimalo kwa legodimong mo e ka nnang ka metsotso e le masome a mararo.
2 Mme ke ne ka bona baengele ba le supa+ ba ba emang fa pele ga Modimo, mme ba ne ba newa diterompeta di le supa.
3 Moengele yo mongwe yo o tshotseng sejana sa maswalo sa gauta o ne a goroga a bo a ema fa sebesong,+ mme o ne a newa maswalo a mantsi thata+ gore a a fisetse mo sebesong sa gauta se se neng se le fa pele ga setulo+ sa bogosi fa dithapelo tsa botlhe ba ba boitshepo di ntse di reeditswe.
4 Mosi wa maswalo o o tswang mo seatleng sa moengele yoo le dithapelo+ tsa ba ba boitshepo di ne tsa tlhatlogela fa pele ga Modimo.
5 Gone fela foo, moengele yoo o ne a tsaya sejana sa maswalo, a se tlatsa ka molelo o o tswang mo sebesong a bo a o latlhela mo lefatsheng. Mme go ne ga nna le ditumo tsa maru le mantswe le dikgadima+ le thoromo ya lefatshe.
6 Mme baengele ba ba supa ba ba tshotseng diterompeta tse supa+ ba ne ba ipaakanyetsa go di letsa.
7 Wa ntlha o ne a letsa terompeta ya gagwe. Mme mo lefatsheng go ne ga na sefako le molelo di tlhakane le madi;+ mme karolo e nnye* ya lefatshe e ne ya jewa ka molelo, le karolo e nnye ya ditlhare e ne ya jewa ka molelo, le dimela tsotlhe tse ditala di ne tsa jewa ka molelo.+
8 Moengele wa bobedi o ne a letsa terompeta ya gagwe. Mme sengwe se se tshwanang le thaba e kgolo e e tukang se ne sa latlhelwa mo lewatleng.+ Mme karolo e nnye ya lewatle e ne ya fetoga madi;+
9 le karolo e nnye ya ditshedi* tse di mo lewatleng e ne ya swa,+ le karolo e nnye ya dikepe e ne ya thubega.
10 Moengele wa boraro o ne a letsa terompeta ya gagwe. Mme naledi e kgolo e e tshwanang le kgabo ya molelo e ne ya tswa kwa legodimong, mme e ne ya wela mo karolong e nnye ya dinoka le mo metsweding ya metsi.+
11 Leina la naledi eo ke Longana. Mme karolo e nnye ya metsi e ne ya fetoga longana, mme batho ba le bantsi ba ne ba swa ka ntlha ya metsi ao, ka gonne a ile a nna bogalaka.+
12 Moengele wa bonê o ne a letsa terompeta ya gagwe. Mme karolo e nnye ya letsatsi, le karolo e nnye ya ngwedi le karolo e nnye ya dinaledi di ne tsa nna dintsho,+ mme go ne go se na lesedi+ mo karolong e nnye ya motshegare le mo karolong e nnye ya bosigo.
13 Ke ne ka leba mme ka utlwa ntsu e fofa kwa godimo e bua ka lentswe le le kwa godimo e re: “Lona ba lo nnang mo lefatsheng lo tla lebana le dipetso+ ka ntlha ya modumo o o tswang mo diterompeteng tse baengele ba bararo ba tlogang ba di letsa!”+
Dintlha Tse di Kwa Tlase
^ Bona Ditlhaloso Tsa Mafoko.
^ Seger., “mme nngwetharong (1/3).”
^ Seger., “psy·kheʹ.” Bona Ditlhaloso Tsa Mafoko.
