Tshedimosetso Ya ba Ba Tlileng mo Kopanong
BATLHOKOMEDI Tiro ya batlhokomedi ke go go thusa. Tsweetswee dirisana sentle le bone ka go ba ikobela fa ba go naya ditaelo malebana le go phaka, go tswa le go tsena mo lefelong la kopano, go beela ba bangwe manno, jalo le jalo.
BA BA TLILENG GO KOLOBEDIWA Ba ba tlileng go kolobediwa ba beetswe manno go lebagana le serala. Ba tshwanetse go dula mo mannong ao pele ga puo ya kolobetso e simologa ka Matlhatso mo mosong. Ba tshwanetse go tla le toulo le diaparo tse di bori tsa go thuma.
MENEELO Go dirisitswe madi a mantsi go netefatsa gore go na le manno a a lekaneng, thulaganyo ya dibuelagodimo, ya dibidio le ditirelo tse dingwe tse di thusang gore ba ba tlileng kopanong ba e itumelele e bile ba ikutlwe ba le gaufi thata le Jehofa. Meneelo e lo e ntshang e thusa go duelela ditshwenyegelo tseno le go tshegetsa tiro e e dirwang mo lefatsheng lotlhe. Go na le mabokoso a a beilweng mo lefelong la kopanong gore o tsenye moneelo mo go one. Gape o ka ntsha moneelo mo Internet o dirisa donate.pr418.com. Re lebogela meneelo yotlhe. Setlhopha se se Laolang se go leboga thata ka moneelo o o o ntshang go ema nôkeng tiro e e direlwang Bogosi.
MAEMO A POTLAKO Tsweetswee elang tlhoko gore lefapha leno le thusa fela fa go tlhaga maemo a potlako.
DILO TSE DI LATLHEGILENG Fa o bona selo mme o sa itse gore ke sa ga mang, tsweetswee se ise kwa Lefapheng la Dilo Tse di Latlhegileng. Fa o latlhegetswe ke sengwe, ya go se leba kwa lefapheng leno. Fa o kopana le ngwana yo a sa itseng kwa batsadi ba gagwe ba leng gone, mo ise kwa lefapheng leno. Go tila gore seo se se ka sa direga, tsweetswee tlhokomela bana ba gago mme o netefatse gore ba na le wena ka dinako tsotlhe.
MANNO Tsweetswee akanyetsa batho ba bangwe. Se lebale gore o beela fela ba lelapa, ba o tlileng le bone ka koloi, ba o nnang le bone kwa gae kgotsa ba o ithutang Baebele le bone. O se ka wa baya sepe mo godimo ga ditulo tse o sa di beelang ope.
FA O BATLA GO ITHAOPA Fa o batla go thusa mo lefapheng lengwe la mo kopanong, tsweetswee ya kwa Lefapheng la Tshedimosetso le la Tirelo ya Boithaopo.
E Rulagantswe ke Setlhopha se se Laolang sa Basupi ba ga Jehofa
© 2023 Watch Tower Bible and Tract Society of Pennsylvania
Tse Dingwe Tse O ka Di Kgatlhegelang
KA GA RONA
Nna gone kwa Kopanong ya 2024—“Rera Dikgang Tse di Molemo!”
Re go laletsa gore o nne gone kwa kopanong ya tikologo ya malatsi a le mararo ya ngwaga ono, e e tla bong e tshwerwe ke Basupi ba ga Jehofa.
DIKOPANO
O a Lalediwa: Kopano ya Basupi ba ga Jehofa ya 2023 ya “Nnang Pelotelele”!
Re go laletsa gore o nne gone kwa kopanong ya ngwaga ono ya malatsi a le mararo e e tla bong e tshwerwe ke Basupi ba ga Jehofa.
DIKOPANO
Se se mo Terameng ya: “Itsise Jehofa Tsela ya Gago”
Bona gore go kopana le dikgwetlho tse disha mo botshelong go ka dira jang gore re ikanye Jehofa le go feta.
