Dipego tsa Baebele tse di ka go thusang:

• Isa 6:1-8​—Fa moporofeti Isaia a ne a bona Jehofa mo ponatshegelong, kwa tshimologong o ne a ipona a sa tshwanelege ka gonne o ne a itse gore o na le boleo. Le fa go ntse jalo moengele o ne a mmontsha gore go a kgonega gore Jehofa a tseye batho ba ba nang le boleo ba le phepa

• Bar 6:12-23; 12:1, 2​—Moaposetoloi Paulo o ne a tlhalosa gore re ka kgona go lwantsha dikeletso tsa rona tsa go batla go dira boleo mme ‘ditiro tsa rona di bo di nna boitshepo’

 Dipego tsa Baebele tse di ka go thusang:

• Dut 8:12-18​—Moporofeti Moshe o ne a gopotsa Baiseraele gore ba ne ba na le dilo tse di molemo di le dintsi ka gonne Jehofa a ile a dirisa maatla a gagwe go ba segofatsa

• 1Dk 19:9-14​—Jehofa o ne a kgothatsa moporofeti Elija ka go mmontsha maatla a gagwe a magolo

Dipego tsa Baebele tse di ka go thusang:

• Dut 24:16-22​—Melao ya ga Jehofa e a neng a e neile Moshe e bontsha gore ka metlha o dira dilo ka tshiamiso, o lorato e bile o kutlwelobotlhoko

• 2Dt 19:4-7​—Kgosi Jehoshafate o ne a gopotsa baatlhodi gore fa ba atlhola ba ne ba tshwanetse go ela tlhoko se Jehofa a reng se siame, e seng se batho ba akanyang gore se siame

Dipego tsa Baebele tse di ka go thusang:

• 1Dk 4:29-34​—Jehofa o ne a dira gore Kgosi Solomone a nne botlhale go gaisa mongwe le mongwe yo o neng a tshela ka nako ya gagwe

• Luk 11:31; Joh 7:14-18​—Jesu o ne a le botlhale go gaisa Solomone, mme gone o ne a itse gore Jehofa ke ene a mo neileng botlhale joo

Dipego tsa Baebele tse di ka go thusang:

• Mat 10:29-31​—Jesu o ne a dira setshwantsho sa dithaga e le go bontsha gore Jehofa o rata batlhanka ba gagwe e bile o ba tsaya ba le botlhokwa

• Mar 1:9-11​—Jehofa o ne a bolelela Jesu gore o a mo rata le gore o itumelela go bo Jesu e le Morwawe. Seno ke sekao se se molemo mo batsading ka gonne bana botlhe ba tlhoka go utlwa mafoko ao go tswa mo batsading ba bone

Dipego tsa Baebele tse di ka go thusang:

• Dut 30:11-14​—Molao o Jehofa a neng a o neile Moshe o ne o se thata, ka jalo Baiseraele ba ne ba ka kgona go o ikobela

• Mat 11:28-30​—E re ka Jesu a na le botho jo bo tshwanang le jwa ga Jehofa, o ne a bolelela balatedi ba gagwe gore ke Mong yo o bonolo

Dipego tsa Baebele tse di ka go thusang:

• Ps 104:1, 2, 10-20, 33, 34​—Mopesalema o ne a baka Jehofa ka ntlha ya dilo tse a di bopileng

• Ps 148:1-14​—Dilo tsotlhe tse Jehofa a di bopileng di a mo galaletsa, go akaretsa le baengele, ka jalo le rona re tshwanetse go mo galaletsa

Dipego tsa Baebele tse di ka go thusang:

• 2Dk 5:20-27​—Gehasi o ne a leka go fitlha boleo jo a neng a bo dirile, le fa go ntse jalo Jehofa o ne a senolela moporofeti Elisha se Gehasi a se dirileng

• Dit 5:1-11​—Ananiase le Safira ba ne ba leka go fitlha boleo jwa bone, mme Jehofa o ne a bo senola a bo a ba otlhaya ka gonne ba ile ba bua maaka