Dipego tsa Baebele tse di ka go thusang:

• Ge 24:1-4, 7​—Aborahame yo o neng a tsofetse o ne a dira tshwetso ya go batlela morwawe e bong Isake mosadi mo bathong ba ba neng ba obamela Jehofa, e seng mo Bakananeng ba ba neng ba obamela medimo e mengwe

• Ge 28:1-4​—Isake o ne a bolelela morwawe e bong Jakobe gore a se ka a nyala mosadi wa Mokanana, mme a nyale mosadi yo o direlang Jehofa

Dipego tsa Baebele tse di ka go thusang:

• 1Dk 11:1-6, 9-11​—Jehofa o ne a galefela Kgosi Solomone ka gonne a ile a itlhokomolosa molao wa gagwe a bo a nyala basadi ba ditšhaba di sele, mme basadi bao ba ne ba mo tlhotlheletsa gore a obamele medimo e mengwe

• Neh 13:23-27​—Fela jaaka Jehofa, Nehemia o ne a galefela banna ba Baiseraele ba ba neng ba nyetse basadi ba ba sa direleng Jehofa, ka jalo o ne a ba otlhaya le go ba kgalemela

Dipego tsa Baebele tse di ka go thusang:

• 1Sa 25:2, 3, 14-17​—Monna wa ga Abigaile e bong Nabale o ne a humile, le fa go ntse jalo o ne a le setlhogo e bile a le bosula

• Dia 21:9​—Fa re sa tlhophe molekane wa lenyalo ka botlhale, re ka iphitlhela re nyalane le motho yo o ka dirang gore go nne thata gore re itumele e bile re nne le kagiso

• Bar 7:2​—Moaposetoloi Paulo o ne a tlhalosa gore fa mosadi a nyalwa, o nna mo taolong ya monna yo o nang le boleo; ka jalo go botlhale gore mosadi a ele tlhoko gore o dumela go nyalwa ke motho yo o ntseng jang

Pego ya Baebele e e ka go thusang:

• Dia 24:27​—Pele ga monna a nyala a bo a nna le bana, o tshwanetse go dira ka natla gore a ipaakanyetse go tlamela lelapa la gagwe

 Dipego tsa Baebele tse di ka go thusang:

• Ru 2:4-7, 10-12​—Boase o ne a ithuta gore Ruthe ke mosadi yo o ntseng jang ka go mmona a dira ka natla, ka go bona tsela e a neng a tlhokometse Naomi ka yone, ka go utlwa batho bangwe ba ba ka ikanngwang ba bua bontle ka ene, le ka go bona tsela e a neng a rata Jehofa ka yone

• Ru 2:8, 9, 20​—Ruthe o ne a lemoga gore Boase ke monna yo o pelonomi, yo o pelotshweu le yo o ratang Jehofa

Dipego tsa Baebele tse di ka go thusang:

• Dia 5:18, 19​—Ditsela dingwe tsa go bontshana lorato, di tshwanetse go dirwa fela ke batho ba ba nyalaneng

• Sfl 1:2; 2:6​—Mosimane wa modisa le mosetsana wa Moshulame ba ne ba bontshana lorato ka ditsela tse di tshwanetseng

• Sfl 4:12; 8:8-10​—Mosetsana wa Moshulame o ne a na le boikgapo. O ne a tshwantshiwa le tshingwana e e lotletsweng

Dipego tsa Baebele tse di ka go thusang:

• Ge 21:8-12​—Jehofa o ne a laela Aborahame gore a reetse Sara le fa gone Aborahame a ne a sa rate kakantsho ya ga Sara

• Dia 31:10, 11, 16, 28​—Monna yo o botlhale yo o nyetseng mosadi yo o molemo, ga a mo gatelele e bile ga a mo tshwayetshwaye diphoso. Go na le moo, o a mo ikanya le go mo akgola

• Bae 5:33​—Moaposetoloi Paulo o ne a tlhalosa gore mosadi yo o nyetsweng o tlhoka go itse gore monna wa gagwe o a mo rata

Dipego tsa Baebele tse di ka go thusang:

• Dia 1:8; 1Bk 7:4​—Modimo o neile basadi ba ba nyetsweng le bommê taolo e e rileng mo lelapeng

• 1Bk 11:3​—Moaposetoloi Paulo o ne a tlhalosa gore mo thulaganyong e Jehofa a e tlhomileng, rotlhe fela re na le mongwe yo re tlhokang go nna mo taolong ya gagwe. Modimo Mothatayotlhe ke ene fela a sa tlhokeng go laolwa ke ope

• Bah 13:7, 17​—Mo phuthegong, banna mmogo le basadi ba tshwanetse go utlwa ba ba eteletseng pele le go dirisana sentle le bone

Pego ya Baebele e e ka go thusang:

• Ge 18:12; 1Pe 3:5, 6​—Sara o ne a tlotla Aborahame fela thata e bile o ne a akanya ka ene e le “morena”

Dipego tsa Baebele tse di ka go thusang:

• Ge 24:62-67​—Rebeka o ne a gomotsa monna wa gagwe e bong Isake fa a sena go tlhokafalelwa ke mmaagwe

• 1Sa 25:14-24, 32-38​—Abigaile o ne a sireletsa monna wa gagwe wa seeleele a bo a boloka matshelo a ba lelapa la gagwe ka go kopa Dafide gore a ba utlwele botlhoko

• Est 4:6-17; 5:1-8; 7:1-6; 8:3-6​—Kgosigadi Esethere o ne a tsenya botshelo jwa gagwe mo kotsing makgetlo a le mabedi ka go ya go bona monna wa gagwe le fa gone a ne a sa mmitsa. O ne a dira jalo ka gonne a ne a batla go sireletsa batho ba Modimo