Jehofa o tla baakanya dilo tsotlhe tse di bosula tseo Satane a di dirileng. Jehofa o tlhomile Jesu jaaka Kgosi mo lefatsheng lotlhe. Mo pusong ya gagwe, lefatshe leno le tla dirwa paradaise.—Daniele 7:13, 14; Luke 23:43.

Jehofa o solofetsa dilo tseno:

• LETLOTLO LA DIJO: “Lehatshe le ntshitse totahalō ea yeōna: Modimo, eboñ Modimo oa rona tōta, o tla re segōhatsa.” “Go tla nna le letlōtlō ya mabèlè mo lehatshiñ, mo ditlhoeñ tsa dithaba: louñō loa aōna lo tla ebelèga.”—Pesalema 67:6; 72:16.

• GO SA TLHOLE GO NA LE NTWA: “Tlañ, lo bōnè ditihō tsa ga Yehofa, eboñ dichwahaco tse o di dihileñ mo lehatshiñ. O khutlisa ditlhabanō le kwa bokhutloñ yoa lehatshe.”—Pesalema 46:8, 9.

• GO SA TLHOLE GO NA LE BATHO BA BA BOSULA: “Gonne badiha boshula ba tla kgaolwa . . . Gonne e tla re kwa pelenyana, moikepi a bo a sa tlhole a le gōna: E, u tla sekaseka helō ga gagwè ka tlhōahalō, me èna o tla ba a seeō.”—Pesalema 37:9, 10.

•  GO SA TLHOLE GO LE BOLWETSI, BOHUTSANA, KANA LOSO: “Ediha gōna matlhō a dihohu a tla houhololwañ, le ditsèbè tsa baboshushu di tla thibololwañ. Ediha gōna setlhotsa se tla tlolañ yaka kwalata, le loleme loa semumu lo tla ōpèla.”—Isaia 35:5, 6.

  “Modimo ka osi o tla nna nabō, me o tla nna Modimo oa bōnè: Me o tla phimola dikeledi cotlhe mo matlhoñ a bōnè; me ga go ketla go tlhōla go le losho; le gōna ga go ketla go tlhōla go le bohutsana, leha e le selelō, leha e le botlhoko: dilō tsa pele di hetetse rure.”—Tshenolō 21:3, 4.

Go farologana le Satane le badimona ba gagwe, Jehofa ga a ke a aka. Sengwe le sengwe se a se solofetsang se diragala fela jalo. (Luke 1:36, 37) Jehofa o a go rata mme o batla gore o tle go tshela mo Paradaiseng eo a tlileng go e dira. Ka jalo ikgolaganye le Basupi ba ga Jehofa gore o ithute ka boammaaruri jo bo gakgamatsang jo bo bonwang mo Lefokong la Modimo. Fa o dirisa boammaaruri joo mo botshelong jwa gago o tla gololwa mo bokgobeng jwa maaka, mo tumelabotlhoding, le mo botlhokakitsong. Fa nako e ntse e tsamaya, o tla gololwa le mo botlhankeng jwa boleo le loso. Ke fela jaaka Jesu a ne a bolela jaana: “Me lo tla itse boamarure, me boamarure bo tla lo golola.”—Yohane 8:32.