“Modimo . . . o tla phimola dikeledi tsotlhe mo matlhong a bone, mme loso lo tla bo lo seyo, le fa e le khutsafalo le fa e le selelo le fa e le botlhoko di tla bo di sa tlhole di le gone. Dilo tsa pele di fetile.”—Tshenolo 21:3, 4, Thanolo ya Lefatshe le Lesha.

Re tla nna le tiro e e molemo le e e kgotsofatsang.—Isaia 65:21-23.

Ga go kitla go nna le bolwetse kgotsa pogo ya mofuta ope fela.—Isaia 25:8; 33:24.

Re tla nna le botshelo jo bo itumedisang le jo bo nnelang ruri le ba lelapa le ditsala.—Pesalema 37:11, 29.

Ee, ka ntlha ya mabaka a ka nna mabedi:

• Modimo o na le bokgoni jwa go diragatsa tsholofetso ya gagwe. Mo Baebeleng, Jehofa Modimo ke ene fela a bidiwang “Mothatayotlhe,” ka gonne o na le maatla a magolo. (Tshenolo 15:3) Ka jalo, o kgona go diragatsa tsholofetso ya gagwe ya go fetola lefatshe gore le nne botoka. Fela jaaka Baebele e tlhalosa, “mo Modimong dilo tsotlhe di a kgonega.”—Mathaio 19:26.

• Modimo o na le keletso ya go diragatsa tsholofetso ya gagwe. Ka sekai, Jehofa o “tlhologelelwa” go tsosa batho ba ba suleng.—Jobe 14:14, 15.

  Gape Baebele e bontsha gore Morwa Modimo, e bong Jesu o ne a fodisa balwetse. Ke eng fa a ne a dira jalo? Ka gonne o ne a batla go dira jalo. (Mareko 1:40, 41) Fela jaaka Rraagwe, Jesu o ne a eletsa go thusa batho ba ba tlhokang.—Johane 14:9.

  Ka jalo, re ka tlhomamisega gore Jehofa le Jesu ba batla go re thusa gore re nne le bokamoso jo bo itumedisang!—Pesalema 72:12-14; 145:16; 2 Petere 3:9.