Malatsi a le mararo fa Jesu a sena go swa, basadi bangwe ba ne ba etela lebitla la gagwe mme ba fitlhela le le lolea. Jehofa o ne a tsositse Jesu mo baswing.

Moragonyana Jesu o ne a itlhagisa mo baaposetoloing ba gagwe.

Ee, Jehofa o ne a tsositse Jesu mo baswing e le sebopiwa sa semoya se se maatla se se sa sweng. Barutwa ba ga Jesu ba ne ba mmona a tlhatlogela kwa legodimong.

Jesu o ne a ntshetsa batho botshelo jwa gagwe e le thekololo. (Mathaio 20:28) Modimo o dirisa thekololo eo gore re kgone go tshela ka bosakhutleng.

Jehofa o ne a tlhoma Jesu go nna Kgosi gore a buse mo lefatsheng. O tla busa le batho ba bangwe ba ba ikanyegang ba le 144 000 ba ba tsositsweng mo lefatsheng gore ba ye go tshela kwa legodimong. Jesu le ba ba 144 000 ba bopa puso e e siameng ya kwa legodimong—Bogosi jwa Modimo.—Tshenolo 14:1-3.

Bogosi jwa Modimo bo tla dira lefatshe paradaise. Ga go kitla go tlhola go nna le ntwa, bokebekwa, khumanego le tlala. Eleruri batho ba tla bo ba itumetse.—Pesalema 145:16.