KAROLO 14
Bogosi jo bo Tla Busang Lefatshe Lotlhe
A o itse gore re bua ka Bogosi bofe?— Ke Bogosi jwa Modimo, Bogosi jo bo tla dirang gore lefatshe e nne paradaise. A o ka rata go ithuta se sengwe gape ka Bogosi jono?—
Bogosi bongwe le bongwe bo na le kgosi. Mme kgosi e busa batho ba naga ya yone. A o itse gore Kgosi ya Bogosi jwa Modimo ke mang?— Ke Jesu Keresete. O nna kwa legodimong. O tla tloga a nna Kgosi ya mongwe le mongwe mo lefatsheng! A o akanya gore re tla itumela fa Jesu e le Kgosi ya lefatshe lotlhe?—
O eletsa go bona eng kwa Paradaiseng?
Re tla itumela thata! Mo Paradaiseng, batho ga ba kitla ba tlhola ba lwa kgotsa ba ya dintweng. Batho botlhe ba tla ratana. Ga go na ope yo o tla tlholang a lwala kgotsa a swa. Difofu di tla bona, batho ba ba sa utlweng ba tla utlwa mme ba ba sa kgoneng go tsamaya ba tla kgona go taboga le go tlola. Mongwe le mongwe o tla bo a na le dijo tse di lekaneng. Mme diphologolo di tla utlwana e bile e tla bo e le ditsala tsa rona. Batho ba ba suleng ba tla tshela gape. Banna le basadi ba bantsi ba o ithutileng ka bone mo boroutšhareng jono ba ba jaaka Rebeka, Rahabe, Dafide le Elija, le bone ba tla boa ba tshela gape! A o ka rata go kopana le bone fa ba boa ba tshela gape?—
Jehofa o a go rata e bile o batla gore o itumele. Fa o tswelela o ithuta ka Jehofa mme o mo reetsa, o tla kgona go tshela ka bosakhutleng mo paradaiseng e ntle! A seo ke se o se batlang?—
BALA MO BAEBELENG YA GAGO
Tse Dingwe Tse O ka Di Kgatlhegelang
BUKA YA ME YA DIPOLELO TSA BAEBELE
Buka Ya me Ya Dipolelo Tsa Baebele—Matseno
Dipolelo tse di boammaaruri tse di tswang mo bukeng e kgolo go gaisa tsotlhe, Baebele, di tlhalosa hisitori ya lefatshe go simolola ka go bopiwa ga lefatshe go ya pele.
TORA YA TEBELO
Modimo a ka Utlwa Botlhoko—Kafa Re ka Dirang Gore a Itumele ka Teng
A o ne o itse gore o ka nna le seabe malebana le kafa Jehofa a ikutlwang ka teng? Ithute kafa se Adame le Efa ba se dirileng se ileng sa utlwisa Jehofa botlhoko ka teng.
