O na Le Dipelaelo Mme o sa Ntse a Batlisisa

MO LEKWALONG lengwe le le neng le kwaletswe ofisi ya lekala ya Basupi ba ga Jehofa kwa Slovenia, monna mongwe yo o neng a re o kolobeditswe e le Mokatoliki wa Roma o ne a kopa jaana: “Tsweetswee nthomelelang khopi ya boroutšhara jwa Modimo o Batla Gore re Direng? Gape ke tla rata go amogela tshedimosetso ya kafa nka amogelang makasine wa Tsogang! ka metlha ka gone kwa legaeng la me.”

Monna yono o ne a tlhalosa jaana: “Tsweetswee ke kopa gore lo ntlhaloganye sentle. Ke na le dipelaelo thata ka bodumedi, mme ke ne ka garoga pelo thata fa ke ne ke bala Tsogang! e e neng e tlhalosa dilo ka tlhamalalo le ka mokgwa o o rutang mme e sa gatelele.” Go tswa foo o ne a umaka makasine mongwe o o itsegeng wa bodumedi mme a bolela gore o pateletsa batho go dumela maaka.

Monna yono o ne a tlhalosa gore ke ka ntlha yang fa a ne a sa tlatsa setlankana se se kafa morago ga Tsogang! go kopa boroutšhara jwa Re Direng mme go na le moo a tlhophile go kwala lekwalo ka boene. O ne a bolela jaana: “Ke ne ke sa batle go gagola makasine ono wa Tsogang! Ke ne ke batla go o boloka o feletse!”

Boroutšhara jwa ditsebe tse 32 jwa Modimo o Batla Gore re Direng? bo na le dithuto di le 16. Di tlotla ka dithuto tsa motheo tsa Baebele e bile di ntsha tshedimosetso e e tswang mo Baebeleng e e bontshang gore re tshwanetse go dirang gore re amogelwe ke Modimo. Fa e le gore le wena o ka rata go amogela khopi ya boroutšhara jono, tlatsa setlankana seno mme o se romele kwa atereseng e e bontshitsweng mo go sone kgotsa kwa atereseng e e tshwanetseng mo go tse di mo tsebeng ya 5 ya makasine ono.

□ Tsweetswee nthomelelang khopi ya boroutšhara jwa Modimo o Batla Gore re Direng?

□ Tsweetswee ikgolaganyeng le nna malebana le thuto ya mahala ya legae ya Baebele.

[Setshwantsho mo go tsebe 32]

Dikhopi di le dimilione di le 113 ka dipuo di le 240