Thuso fa Mongwe Yo o Mo Ratang a Tlhokafala

Dingwaga di le mmalwa tse di fetileng Basupi ba ga Jehofa ba ne ba gatisa boroutšhara jo bo neng bo bua ka bothata jwa go lebana le loso lwa motho yo re mo ratang. Bosheng, go ne ga amogelwa lekwalo le le tswang kwa mmading mongwe yo o anaanelang kwa Federal Republic of Yugoslavia, yo o neng a kwala jaana: “Ke rata go lo leboga ka pelo yotlhe ka boroutšhara jwa Fa Mongwe Yo O Mo Ratang A Tlhokafala. Eleruri bo bua ka kgang nngwe le nngwe e e mabapi le go tlhokafalelwa ke mongwe yo re mo ratang.”

Mokwadi o ne a tlhalosa jaana: “Fa ke ne ke tlhokafalelwa ke kgaitsadiake mo kotsing ya koloi, boroutšhara jono bo ne jwa nnaya ‘thuso ya potlako’ e ke neng ke e tlhoka thata. Karolo e e mo go tsebe 18 e e reng ‘Dikakantsho Dingwe Tse di Mosola’ e ne ya nkgomotsa eleruri. Le fa go ntse jalo, morago ga dikgwedi tse nnè ke ne ka simolola go hutsafala thata le go gopola thata metlha e e fetileng. Ke ne ke tshogile gore botsogo jwa me jwa maikutlo bo ne bo le mo kotsing.

“Ke ne ka bala boroutšhara jono gape, mme mo go tsebe 9 mo lebokoseng le le reng ‘Tiragalo ya go Hutsafala,’ ke ne ka tlhokomela gore go fola mo maikutlong go tsamaisana le kutlobotlhoko le go tlhoafalela tse di fetileng. Ke ne ka gomotsega eleruri. Ke lo lebogela bopelotlhomogi jwa lona jo bo lorato jo lo bo bontshitseng mo boroutšhareng jono jotlhe.”

Gongwe wena kgotsa mongwe yo o mo itseng a ka amogela kgomotso ka go bala boroutšhara jono jwa ditsebe tse 32. O ka kopa khopi ka go tlatsa setlankana se se fa tlase o bo o se romela kwa atereseng e e bontshitsweng mo setlankaneng seno kgotsa kwa atereseng e e tshwanetseng mo go tse di bontshitsweng mo tsebeng ya 5 ya makasine ono.

□ Tsweetswee nthomelelang khopi ya boroutšhara jwa Fa Mongwe Yo O Mo Ratang A Tlhokafala.

□ Tsweetswee ikgolaganyeng le nna malebana le thuto ya mahala ya legae ya Baebele.