Ga se Ya Basha Fela

Jolanta yo o nang le dingwga di le 25 o ne a tlhalosa mo lekwalong le a neng a le kwaletse ofisi ya tsamaiso ya Basupi ba ga Jehofa kwa Poland, gore o ne a tshwenyegile thata mo maikutlong. O na le bogole jo bo dirang gore a se ka a kgona go tsamaya, mme mmaagwe le nkukuagwe ka bobedi jwa bone ba ne ba tlhokafetse mo lobakeng lwa dikgwedi di le thataro. Mme o ne a simolola go bala buka ya Dipotso Tse Basha Ba Di Botsang—Dikarabo Tse Di Nang le Tharabololo. O ne a kwala jaana:

“Ke ne ke dumela gore kgatiso eno e molemo mo basheng mme nna e ne e ka se ntsholegele molemo,” o bolela jalo. “A bo ke ne ke le phoso! Fa ke ne ke ithuta dikgaolo tsa 12 go ya go 16 tsa buka eno, ke ne ka bona dikarabo tse di utlwalang sentle tsa dipotso tsa me: ‘Ke ka ntlha yang fa ke tshwenyegile thata jaana mo maikutlong e bile ke jewa ke bodutu?’ ‘Ke ka ntlha yang fa ke sa ithate?’ le ‘Ke ka ntlha yang fa ke hutsafetse go le kana kana fa ke sena go tlhokafalelwa ke baratiwa ba me ba losika?’”

O ne a tswelela jaana: “Ke ne ka kgatlhiwa thata ke dintlha tse pedi mo go tsebe 130: ‘Go itse gore ke selo se se tlwaelegileng fela go hutsafala ke thuso e kgolo mo go go fenyeng. Mme go sa dumeleng seo tota se diragetseng go lelefatsa khutsafalo fela.’ Go bala mafoko ano go ne ga tiisa tsholofelo ya me ya go bona ba ba robetseng mo losong, mo go neng ga dira gore botshelo jwa me bo nne le boikaelelo.”

Fa e le gore o batla go fenya maikutlo a a ntseng jalo a a sa siamang mme o batla gore botshelo jwa gago bo nne le boikaelelo, re akanya gore le wena o ka solegelwa molemo ke buka e e reng Dipotso Tse Basha Ba Di Botsang—Dikarabo Tse Di Nang le Tharabololo. O ka kopa khopi ya buka eno ka go tlatsa setlankana se se fano o bo o se romela kwa atereseng e e bontshitsweng mo setlankaneng seno kgotsa kwa atereseng e e tshwanetseng mo go tse di bontshitsweng mo tsebeng ya 5 ya makasine ono.

□ Tsweetswee nthomelelang khopi ya buka ya Dipotso Tse Basha Ba Di Botsang—Dikarabo Tse Di Nang le Tharabololo.

□ Tsweetswee ikgolaganyeng le nna malebana le thuto ya mahala ya legae ya Baebele.