Batho ba Etsa Tsela ya Mmopi ya go Bopa

Go tla jang gore tleloupu e e bosesane jwa pampiri e se ka ya thubega fa e tsenngwa kgotsa e kurufelelwa mo setshegetsing sa yone? Go ya ka buka ya How in the World?, seno se bakwa ke tsela e tleloupu e bopegileng ka yone, e e dirilweng go ya ka “tsela e kapetla ya lee e bopegileng ka yone.” Le fa kapetla ya lee e le tshesane, mae ga a thubege fa koko e namagadi e a elama mo kutleng. Seno se bakwa ke gore, tsela e lee le bopegileng ka yone e dira gore le nne thata mme le se ka la thubega fa le gatelelwa. (Kokwana e ka nna ya se ka ya kgona go tswa fa dikapetla di le dikima.) Ka go etsa tsela ya Mmopi ya go bopa, tleloupu le yone e kgolokwe, mme seo se dira gore fa e huparetswe ka maatla e se ka ya thubega ka gonne fa o e tshwere, “tsela e galase ya yone e bopegileng ka yone e dira gore maatla a o e tshwereng ka one a anamele kwa dintlheng tsotlhe tsa yone.” Ka jalo, fela jaaka fa o tshwere lee, seatla sa gago ga se gatelele tleloupu mo lefelong le le lengwe fela, mme seo se dira gore e se ka ya thubega. Eleruri, batho ba ithutile go le gontsi mo popong!