Maikaelelo a Modimo ke Eng ka Rona?

▪ A ke gore re tshele fela botshelo jo bokhutshwane mo lefatsheng—gongwe dingwaga di le 70 kgotsa 80—re bo re swa? A maikaelelo a Modimo ke gore a itseele batho ba ba siameng gore ba tshele le ene kwa legodimong? Ke ka ntlha yang fa Modimo a ne a bopa lefatshe? A e ne e tshwanetse go nna fela legae la nakwana la batho?

Boroutšhara jono jwa ditsebe di le 32 jwa Itumelele Botshelo mo Lefatsheng ka Bosakhutleng! bo bontsha gore Modimo o dirile lefatshe go nna legae la batho ka bosakhutleng. Lefatshe la rona le dirilwe ka tsela ya gore fa re le tlhokomela sentle e nne paradaise e ntle. Dikgaolo tse di mo boroutšhareng jono tse di jaaka “Ke Go Reng Motho Aa Swa?” le “Loso ke Eng?” di re tlhalosetsa gore go senyegile kae, le “Jehofa O Re Neela Moreboloki” le “Kafa Re Gololwang mo Sebeng le mo Losong ka Teng” di bontsha gore lefatshe le tla nna jang legae le lentle la paradaise la batho.

Boroutšhara jono bo na le ditshwantsho tse di fetang 75, mme setshwantsho sengwe le sengwe se na le temana ya Baebele e le nngwe kgotsa go feta. Ditemana tseno di thusa gore o kgone go tlotla ka ditshwantsho tseo. Fa o na le bana, o ka dirisa ditshwantsho tseno go thusa bana ba gago go ithuta ka maikaelelo a Modimo.

O ka kopa go romelelwa khopi ya gago ka go tlatsa setlankana seno o bo o se romela kwa atereseng e e mo go sone kgotsa kwa atereseng e e tshwanetseng mo lenaaneng le le mo tsebeng ya 5 ya makasine ono.

□ Ka kopo, nthomeleleng khopi ya boroutšhara jwa Itumelele Botshelo mo Lefatsheng ka Bosakhutleng!

Bontsha gore ka puo efe.

□ Tsweetswee ikgolaganyeng le nna malebana le thuto ya mahala ya legae ya Baebele.