Baebele—Lebaka La go Bo o Tshwanetse go Itse Molaetsa wa Yone

● Baebele ke buka e e anamisitsweng thata go gaisa dibuka tsotlhe mo hisitoring yotlhe, mme batho ba le bantsi ba e rata. Go dirwa maikano ka yone kwa dikgotlatshekelong, mme badiredibagolo ba ikana ba beile diatla mo go yone ba solofetsa gore ba tla rwala maikarabelo a tiro nngwe e e rileng. Kitso ya Baebele e na le thuto e e botlhokwa thata e motho a ka nnang le yone.

Batho ba le bantsi ba tla dumela gore lefatshe e ka bo e le lefelo le le botoka fa batho ba bantsi ba ka bo ba bala Baebele le go tshela go dumalana le se e se bolelang. Boroutšhara jo bo nang le ditshwantsho tse dintle jwa ditsebe di le 32 jo bo nang le setlhogo se se reng Baebele—E na Le Molaetsa Ofe? bo ka go thusa go ithuta se Baebele e se rutang. Dikarolo tsa jone tsa ntlha tse pedi di tlhalosa kafa Mmopi a neng a file batho paradaise ka gone le kafa e neng ya ba latlhegela ka gone. Mo dikarolong tse di latelang tsa jone, bo bua ka ditiragalo tsa batho ba Modimo a ileng a dira gore go tswe Mmusi wa Bogosi jwa gagwe mo go bone, puso e e tla busetsang Paradaise mo lefatsheng leno.

Dikarolo tse di latelang tsa boroutšhara jono di bua ka botshelo, bodiredi, dikgakgamatso, loso le go tsosiwa ga Mmusi yo o tlhomilweng ke Modimo, e bong Jesu Keresete. Dikarolo tsa jone tse nnè tse di latelang di tlhalosa ka bokhutshwane ka bodiredi, go lekwa tumelo le ka dikwalo tse di tlhotlheleditsweng tsa balatedi ba ga Jesu ba lekgolo la ntlha la dingwaga. O tla kgothadiwa thata ke karolo e e reng “Lefatshe le Nna Paradaise!” le tsebe ya bofelo e e tsamaisanang le yone e e nang le ditshwantsho tse dintle, ya setlhogo se se reng “Molaetsa wa Baebele—Tshobokanyo.”

Fa o batla khopi ya boroutšhara jono, tsweetswee tlatsa setlankana se se fa tlase fano mme o bo o se romela kwa atereseng e e mo go sone kgotsa kwa atereseng e e tshwanetseng mo lenaaneng le le mo tsebeng ya 5 ya makasine ono.

□ Kwantle ga go ipofa tsweetswee ke kopa gore lo nthomelele khopi ya boroutšhara jo bo bontshitsweng fano.

□ Tsweetswee ikgolaganyeng le nna malebana le thuto ya mahala ya legae ya Baebele.