Basupi ba ga Jehofa ba Ruta Baebele Jang?

Ba ruta ka go dirisa ditlhogo, gantsi ba dirisa buka e e ba thusang go ithuta ya Totatota Baebele e Ruta Eng? Dikgaolo tsa yone tse 19 di akaretsa ditlhogo tse di latelang:

“Dithuto Tsa Boammaaruri ke Dife ka Modimo?”

“Jesu Keresete ke Mang?”

“Baswi ba Kae?”

“A re Tshela ‘mo Metlheng ya Bofelo’?”

“Ke ka Ntlha Yang fa Modimo a Letleletse Pogo?”

“Kafa o ka Dirang ka Teng Gore Botshelo Jwa Lelapa la Gago bo Itumedise”

Baithuti ba kopiwa gore ba botse dipotso le go iponela dikarabo ka bobone mo Baebeleng. Moragonyana, ka ntlha ya se ba se ithutileng mo Baebeleng, ba ka itirela tshwetso ya gore ba batla go latela bodumedi bofe.

O ka nna wa kopa gore o tshwarelwe thuto ya Baebele mmogo le go romelelwa khopi ya buka eno, ka go tlatsa setlankana se se fa tlase fano mme o bo o se romela kwa atereseng e e mo go sone kgotsa kwa atereseng e e tshwanetseng mo lenaaneng le le mo tsebeng ya 5 ya makasine ono.

□ Kwantle ga go ipofa tsweetswee ke kopa gore lo nthomelele khopi ya buka e e bontshitsweng fano.

□ Tsweetswee ikgolaganyeng le nna malebana le thuto ya mahala ya legae ya Baebele.