O ne A Ithuta le Bone

● Mmè mongwe yo o mo dingwageng tsa bo30, yo o nnang le monna wa gagwe le bana ba bone ba bararo kwa Kentucky, U.S.A., o ne a kwala jaana: “Nna le ba lelapa la me re ile ra solegelwa molemo ke sengwe le sengwe se re nang le sone se se gatisitsweng ke Basupi ba ga Jehofa.” O ne a tlhalosa jaana: “Buka e ke e ratelang bana ba me thata ke Buka ya Me ya Dipolelo Tsa Bibela,” a bo a oketsa ka go re, “Tota e bile ke ne ka kgona go ithuta le bone.”

Buka eno e na le ditshwantsho tse dintle mme e tlhalosa ditiragalo tsa Baebele go ya ka tatelano ya tsone. Ka sekai: Karolo 2 e akaretsa dipolelo tse di nang le ditlhogo tse di reng “Kgosi e Bosula e Busa Egepeto,” “Kafa Lesea Moshe a Falotseng,” “Ke Eng Moshe a Ile a Tshaba,” “Moshe le Arone ba Bona Faro,” “Dipetso tse 10” le “Go Kgabaganya Lewatle.”

Karolo 6 ya buka eno, e e nang le setlhogo se se reng “Tsalo ya ga Jesu go ya Losong,” e na le dipolelo di le mmalwa tse di amanang le botshelo jwa ga Jesu go tloga ka nako e a tshotsweng ka yone go fitlha ka nako ya loso lwa gagwe. Gape go na le ditlhogo tse di reng “Jesu o Tsalelwa mo Bojelong” le “Banna ba Gogiwa ke Naledi.” Setlhogo seno sa bofelo se bontsha gore “banna ba ba botlhale”—ba tota e leng balepadinaledi—ba ile ba “tsena mo ntlong” go ya go etela Jesu, e seng kwa bojelong jwa diruiwa kwa a tsholetsweng gone. Mo ntlong ba ne ba “bona ngwana yo mmotlana a na le Marea mmaagwe.” Modimo o ne a tlhagisa banna bano gore ba se ka ba boela kwa go Herode, yo o neng a batla go bolaya Jesu. Seo se tshwanetse go re bolelela eng malebana le gore ke mang yo o neng a dira gore go nne le se go tweng ke naledi?—Mathaio 2:1, 11, 12, Baebele e e Boitshepo.

Le wena o ka ithuta le bana ba gago fa o ntse o ba balela Buka ya Me ya Dipolelo Tsa Bibela. E na le dipolelo di le 116 tse di buang ka batho le ditiragalo tsa Baebele. Gore o romelelwe khopi ya buka eno, tlatsa setlankana se se fa tlase fano le go se romela kwa atereseng e e bontshitsweng kgotsa kwa atereseng e e tshwanelang e e mo lenaaneng le le mo tsebeng ya 5 ya makasine ono.

□ Kwantle ga go ipofa tsweetswee ke kopa gore lo nthomelele khopi ya buka e e bontshitsweng fano.

□ Tsweetswee ikgolaganyeng le nna malebana le thuto ya mahala ya legae ya Baebele.