Baebele—A o Itse Molaetsa wa Yone?

● Baebele ke buka e e anamisitsweng thata mo hisitoring yotlhe. Batho ba ditso tsotlhe ba lemogile gore molaetsa wa yone o a gomotsa e bile o naya tsholofelo mme kgakololo ya yone e mosola mo botshelong jwa letsatsi le letsatsi. Le fa go ntse jalo, batho ba le bantsi ga ba itse go le gontsi ka buka eno e e gakgamatsang.

Boroutšhara jwa Baebele—E na Le Molaetsa Ofe? jo bo nang le ditshwantsho tse di kgatlhang le tse dintle bo ka go thusa go tlhaloganya Baebele. Dikarolo tsa ntlha tse pedi di tlhalosa kafa Modimo kwa tshimologong a ileng a naya batho paradaise ka gone le kafa e ileng ya ba latlhegela ka teng. Moragonyana, re ithuta ka boikaelelo jwa Mmopi jwa go busetsa Paradaise a dirisa Bogosi jwa Modimo, jo e leng puso ya kwa legodimong e Jesu Keresete a laolang mo go yone.

Dikarolo tse di latelang di bua thata ka Jesu—bodiredi jwa gagwe, dikgakgamatso tse a neng a di dira, loso lwa gagwe le go tsosiwa ga gagwe. Gape re bolelelwa ka balatedi ba ba pelokgale ba bogologolo ba ga Jesu le mekwalo ya bone e e tlhotlheleditsweng e e neng ya nna karolo ya Baebele e re e itseng gompieno.

Go a tshwanela go bo karolo ya bo26 ya boroutšhara jono e konela ka setlhogo se sentle se se reng, “Lefatshe le Nna Paradaise!” Tsebe e e bapileng le yone e e nang le ditshwantsho tse dintle e na le setlhogo se se reng, “Molaetsa wa Baebele—Tshobokanyo.” Mo tsebeng eo, o tla bona tshobokanyo ya ditiragalo di le supa tse di botlhokwa mo go diragadiweng ga maikaelelo a Modimo ka batho.

O ka kopa gore o romelelwe khopi ya boroutšhara jono ya ditsebe di le 32 ka go tlatsa setlankana se se fa tlase fano mme o bo o se romela kwa atereseng e e tshwanetseng mo lenaaneng le le mo tsebe 5 ya makasine ono.

□ Kwantle ga go ipofa tsweetswee ke kopa gore lo nthomelele khopi ya boroutšhara jo bo bontshitsweng fano

□ Tsweetswee ikgolaganyeng le nna malebana le thuto ya mahala ya legae ya Baebele.