Go Gomotsa Batho ba ba Hutsafetseng

● Boroutšhara jo bo nang le ditsebe di le 32, jo bo mebalabala jwa setlhogo se se reng Fa Mongwe Yo O Mo Ratang A Tlhokafala bo gomotsa batho ba ba hutsafetseng. Bo ka thusa batho ba ba hutsafetseng gore ba itshokele khutsafalo fa mongwe yo ba mo ratang a tlhokafetse. Mme karolo nngwe mo boroutšhareng jono e bontsha kafa ba bangwe ba ka thusang batho ba ba hutsafetseng ka teng.

Boroutšhara jono bo araba dipotso tse di jaaka: Ke ka itshokela khutsafalo ya me jang? A re ka solofela sengwe ka ba ba tlhokafetseng? Bo re naya tlhaloso ya Baebele malebana le loso le boemo jwa baswi. Mme se se botlhokwa le go feta, bo bua ka tsholofetso ya Modimo, e a tla e diragatsang ka Jesu Keresete, ya go tsosa baswi a ba tsosetsa mo lefatsheng le le phepa la paradaise.

Gongwe boroutšhara jono bo tla go gomotsa kgotsa o itse mongwe yo o tla gomotsegang fa a ka bo bala. O ka ikopela khopi ya jone.

Fa o batla go romelelwa khopi ya boroutšhara jono, tlatsa setlankana se se fa thoko mme o bo o se romelela kwa atereseng e e tshwanetseng mo lenaaneng le le mo tsebe 5 ya makasine ono.

□ Kwantle ga go ipofa, ke kopa gore lo nthomelele boroutšhara jwa setlhogo se se reng Fa Mongwe Yo O Mo Ratang A Tlhokafala.

□ Tsweetswee ikgolaganyeng le nna malebana le thuto ya mahala ya legae ya Baebele.