POROJEKE YA GO ITHUTA
Nna Pelokgale fa Batho ba go Gatelela
Bala Jeremia 38:1-13 go bona kafa moporofeti Jeremia le Ebede-meleke yo e neng e le moopafadiwa ba neng ba le pelokgale ka gone.
Akanyetsa kwa teng ka se go buiwang ka sone. Jeremia o ile a bontsha jang gore o pelokgale fa a bolelela batho molaetsa wa ga Jehofa? (Jer. 27:12-14; 28:15-17; 37:6-10) Seo se ile sa dira gore batho bao ba ikutlwe jang?—Jer. 37:15, 16.
Dira dipatlisiso. Batho ba ne ba batla gore Jeremia a dire eng? (jr 26-27 ¶20-22) Dira dipatlisiso ka dikhuti tsa go bolokela metsi tsa bogologolo. (it-1-E 471) Jeremia a ka tswa a ne a ikutlwa jang fa a le mo khuting ya go bolokela metsi e e nang le seretse? Ebede-meleke o ne a boifa eng?—w12 5/1 31 ¶2-3.
O ithuta eng? Ipotse dipotso tseno:
-
‘Pego eno e nthuta eng ka tsela e Jehofa a sireletsang batlhanka ba gagwe ka yone?’ (Pes. 97:10; Jer. 39:15-18)
-
‘Nka tlhoka go nna pelokgale mo maemong afe?’
-
‘Nka dira eng gore ke nne pelokgale fa batho ba batla gore ke dire se ke sa batleng go se dira?’ (w11 3/1 30) a
a Fa o batla go bona diporojeke tsa go ithuta, ya kwa makasineng wa Tora ya Tebelo wa July 2023 mo setlhogong se se reng, “Kakantsho ya go Ithuta.”
