Baboledi ba le bantsi ba dirisa JW Library^® fa ba baakanyetsa dipokano, e bile ba a e rata ka gonne e ba isa ka tlhamalalo kwa ditlhogong tse di ithutiwang tsa Tora ya Tebelo. Mme gone, makasine ono o na le ditlhogo tse dingwe tse di ka re tswelang mosola. O ka bona ditlhogo tseo jang mo JW Library?

• Kwa bofelong jwa setlhogo sengwe le sengwe se se ithutiwang go na le setlhogwana se se reng, “Bala mo go Oketsegileng.” Ka fa tlase ga setlhogwana seno, go na le linki e e reng “Ditlhogo tse dingwe mo makasineng ono.” Fa o tobetsa linki eno e go isa kwa karolong ya diteng. Fa o le mo go yone o tla bona ditlhogo tse di ithutiwang. Tobetsa setlhogo se se nang le dintlha tse dingwe se o ka ratang go se bala.

• Fa o le kwa tshimologong mo JW Library, go na le karolo ya “What’s New.” Fa go tlhaga makasine o mosha wa Tora ya Tebelo, o downloude. O bule o bo o ya kwa karolong ya diteng gore o kgone go bona ditlhogo tsotlhe.