TORA YA TEBELO No. 1 2023 | Malwetse a Tlhaloganyo—Baebele E ka Go Thusa
Batho ba le dimilione mo lefatsheng lotlhe ba tshwenngwa ke malwetse a tlhaloganyo. Basha le bagolo ba maemo a a farologaneng ba tshwanelwa ke go lebana le matshwao a a ngomolang pelo a bothata jono. Malwetse a tlhaloganyo ke eng, mme a ama batho jang? Makasine ono o tla tlotla ka botlhokwa jwa go batla kalafi e e tshwanetseng le kafa Baebele e ka thusang ka gone batho ba ba nang le malwetse ano.
Malwetse a Tlhaloganyo a Aparetse Lefatshe Lotlhe
Batho ba maemo a a farologaneng ba amiwa ke malwetse a tlhaloganyo. Bona kafa Baebele e ka go thusang ka gone gore o kgone go lwantshana le malwetse ao.
Modimo O a Go Kgathalela
Goreng o ka tlhatswega pelo gore Jehofa Modimo o tlhaloganya se o se akanyang le kafa o ikutlwang ka gone go gaisa motho ope yo mongwe?
1 | Thapelo—‘Latlhela Ditlhobaelo Tsotlhe Tsa Gago mo go Ene’
A o ka rapela Modimo ka sengwe le sengwe fela se se go tshwenyang? Thapelo e ka thusa jang batho ba ba nang le bothata jwa go tlhobaela?
2 | ‘Dikwalo Di a Re Gomotsa’
Molaetsa wa Baebele o re naya tsholofelo ya gore go ise go ye kae, re tla bo re sa tlhole re utlwa botlhoko mo maikutlong.
3 | Kafa Dikao Tsa mo Baebeleng Di ka Go Thusang ka Gone
Dipego tsa Baebele tse di buang ka banna le basadi ba ba neng ba na le maikutlo a a tshwanang le a rona, di ka re thusa gore re se ka ra ikutlwa re le nosi fa re lwantshana le maikutlo a a ngomolang pelo.
4 | Baebele E na Le Kgakololo e e Mosola
Bona kafa go akanya ka ditemana tsa Baebele le go ipeela mekgele e o ka kgonang go e fitlhelela go ka go thusang ka gone gore o itshokele bothata jwa tlhaloganyo.
Re ka Thusa Jang Batho ba ba Nang le Malwetse a Tlhaloganyo?
Go ema nôkeng tsala ya gago e e nang le bolwetse jwa tlhaloganyo go ka mo thusa.
