Itumelele Masego a a Tswang Kwa Modimong
A o eletsa go tshela mo lefatsheng le le senang dintwa, thubakanyo le dikgotlhang?
A o ka se itumelele go tshela go sena bolwetse, pogo le loso?
A o ka rata go tshela o se na mathata le ditlhobaelo?
A ga o eletse go tshela mo lefatsheng le le se- nang masetlapelo a tlholego?
Mmopi wa rona yo o lorato, o re tshepisitse gore re tla tshela ka kagiso le ka boitumelo mo lefatsheng ka bosakhutleng. Ditsholofetso tse Modimo a re solofedi- tseng tsone ga se dijo tsa ditoro fela, di tla direga.
Fa o ntse o bala ditlhogo tse di latelang, o ka akanya ka dilo tseno:
Gore Mmopi wa rona o a re rata
Lefoko la Modimo le re tshwaretse molaetsa ofe?
Baporofeti ba ile ba reng ka dilo tsotlhe tse di molemo tse Modimo a re direlang tsone le tse a tla re direlang tsone?
Modimo o tla re thusa jang gore re itumele gone jaanong le mo nakong e e tlang?
Re tla simolola ka go tlhatlhoba dilo tsotlhe tse Modimo a re direlang tsone go bontsha gore o a re rata.
