Ga re ka ke ra kgona go tshela go sena letsatsi. Letsatsi le thusa ditlhare gore di nne le makakaba, malomo, maungo le dipeo. Gape le thusa ditlhare gore di kgone go nwa metsi a a mo mmung ka medi ya tsone mme metsi ao a bo a ya kwa maka- kabeng a bo a fetoga go nna mouwane.

Modimo o re nesetsa pula mme e bo e nosetsa dijalo re bo re nna le dijo. O re naya dipula go tswa legodimong le dipaka tsa maungo, e bile o tlatsa dipelo tsa rona ka boitumelo jo bogolo.

Borre ba le bantsi ba tshwenyegile thata ka go tlamela malapa a bone ka dijo le diaparo. Ela tlhoko se lekwalo leno le se buang: “Lepang ka kelotlhoko dinonyane tsa legodimo, ka gonne ga di jale peo le gone ga di robe le gone ga di phuthele mo matlong a polokelo; le fa go ntse jalo Rraalona wa selegodimo o a di fepa. A ga lo botlhokwa go feta tsone?”—Mathaio 6:25, 26.

“Ithuteng mo dithunyeng tsa masoma tsa legola, kafa di golang ka gone . . . . ; mme ke lo raya ke re le eleng [Kgosi] Solomone mo kgalalelong yotlhe ya gagwe o ne a sa kgabe jaaka sengwe sa tseno. Jaanong, fa Modimo a apesa dimela tsa naga jalo . . . , a go na le moo ga a na a apesa lona bogolo?”—Mathaio 6:28-30.

Fa Modimo a kgona go re tlamela ka dijo le diaparo, seno se raya gore a ka kgona go re tlamela ka dilo tse dingwe tse re di tlhokang mo botshelong. Modimo o tla segofa- tsa maiteko mangwe le mangwe a re a di- rang a go leka go itlamela fa re dira thato ya gagwe.—Mathaio 6:32, 33.

Fa re akanya ka dilo tse dintle tse Modimo a di dirileng tse di jaaka letsatsi, pula, dinonyane le malomo, ruri re nna le mabaka a mantsi a go mo rata. Setlhogo se se latelang se tla re tlhalosetsa gore Modimo o dirisitse mekgwa efe go bua le batho.