Batsadi ba na le tiro e e seng kana ka sepe ya go ruta bana ba bone ka Jehofa. (Baef. 6:4) Phuthego ya ga Jehofa e thusitse batsadi gore ba nne le tshedimosetso e ntsi e ba ka e dirisang. O ka e dirisa jang go thusa bana ba gago?

• Websaete ya jw.org e na le dibidio, ditlhogo le dintlha tsa go itshekatsheka tse di diretsweng go thusa bana le basha. a Tsenya lefoko “Bana” kgotsa “Basha” mo lebokosong la go senka gore o kgone go di bona.

• Karolo ya “Bana” e na le dibidio, dipina le ditlhogo tse o ka di dirisang go thusa ngwana wa gago. O ka di bona mo setlhogong se se reng, “Diporojeke Tsa Thuto ya Lelapa.”

• Iphe nako ya go tlotla le bana ba gago ka dibidio kgotsa diporojeke tse di mo jw.org. O se ka wa di dirisetsa go ba ntsha bodutu. Go na le moo, ba rute ka tsone mme o ba thuse go atamalana le Jehofa.