LETLHOO LE KA FEDISIWA JANG?
1 | Se Tlhaole ba Bangwe
Se Baebele e se Rutang:
“Modimo ga a na tlhaolele, mme o amogela motho mongwe le mongwe yo o tswang mo setšhabeng sengwe le sengwe yo o mmoifang e bile a dira se se siameng.”—DITIRO 10:34, 35.
Se e Se Kayang:
Jehofa * Modimo ga a re atlhole ka gore re mmala mang, re ba lotso lofe kgotsa gore re tswa kwa nageng efe. Go na le moo, o tlhoma mogopolo mo go se re se akanyang le se re se eletsang. Gape Baebele e a re “motho o bona se se bonwang ke matlho fela, mme Jehofa ene o bona se se mo pelong.”—1 Samuele 16:7.
Se o Ka se Dirang:
Le fa re sa kgone go bona se se mo dipelong tsa batho, re ka leka go etsa Modimo ka go sa tlhaole ba bangwe. Ithute motho mme o se ka wa lebelela gore o tswa mo lotsong lofe. Fa o lemoga gore o tlhaola ba bangwe, gongwe e le batho ba lotso lo lo rileng kgotsa ba ba tswang kwa nageng e e rileng, kopa Modimo gore a go thuse gore o se ka wa ikutlwa jalo. (Pesalema 139:23, 24) Fa o kopa Jehofa ka pelo yotlhe gore a go fe maatla a gore o se ka wa tlhaola ba bangwe, o tla go reetsa e bile o tla go thusa.—1 Petere 3:12.
^ ser. 6 Jehofa ke leina la Modimo.—Pesalema 83:18.
“Ke ne ke ise ke tsamaye ke dule ka kagiso le motho yo mosweu . . . mme jaanong ke ne ke le mongwe wa bakaulengwe ba ba ratanang ba mo lefatsheng lotlhe.”—TITUS
Tse Dingwe Tse O ka Di Kgatlhegelang
TORA YA TEBELO
Jehofa “Ga a Na Tlhaolele”
Modimo o reetsa dithapelo tsa baobamedi ba gagwe go sa kgathalesege gore ke ba lotso lofe, setšhaba, kgotsa boemo. Re itse seo jang?
TSOGANG!
Baebele ya Reng ka go Tlhaola Batho ka Lotso?
A ditso tsotlhe di a lekana? A go tlhaola batho ka lotso go tla tsamaya go fela?
TSOGANG!
Go Tlhaola Batho ba Bangwe?—A o Tlhaola ba Bangwe
Ke eng se se ka bontshang gore re ka tswa re na le tlhaolele
