Tiragalo E o Sa Tshwanelang go e Fosa

“Mpho nngwe le nngwe e e molemo le neo nngwe le nngwe e e itekanetseng” e tswa kwa Modimong, Rraarona wa selegodimo.—Jakobe 1:17.

MPHO e kgolo go di gaisa tsotlhe e Modimo a e neileng batho ba ba nang le boleo ke go dira gore ba bolokwe ka Morwawe yo o tsetsweng a le esi, e bong Jesu Keresete. Loso lwa ga Jesu e bong Morekolodi wa rona, le dira gore go nne le botshelo jo bo sa khutleng mo lefatsheng la paradise. Mo go Luke 22:19, re laelwa go gopola loso lwa gagwe.

Basupi ba ga Jehofa ba go laletsa ka lorato gore o nne le seabe le bone mo go reetseng taelo eno ya ga Jesu. Tiragalo eno ya ngwaga le ngwaga e tla ketekwa fa letsatsi le sena go phirima ka letlha le le tsamaisanang le la Nisane 14 mo khalendareng ya Baebele—Sontaga, April 8, 2001. Kwala letlha leno gore o se ka wa le lebala. Basupi ba ga Jehofa ba lefelo la lona ba tla go bolelela gore e tla tshwarelwa kae le gone ka nako mang.