Letsatsi le le Tshwanetseng go Gopolwa

MO BOSIGONG jwa pele ga Jesu Keresete a swa, o ne a naya baaposetoloi ba gagwe senkgwe se se sa bedisiwang le senwelo sa beine e khibidu mme a ba laela gore ba je ba bo ba nwe. Gape o ne a ba raya a re: “Nnang lo dire seno e le go nkgopola.”—Luke 22:19.

Monongwaga segopotso sa tiragalo eno se ka Sontaga, April 4, fa letsatsi le sena go phirima. Basupi ba ga Jehofa mo lefatsheng lotlhe ba tla bo ba kopane mo bosigong jono go keteka tiragalo eno ya Segopotso ka tsela e Jesu a neng a laetse ka yone. O lalediwa ka lorato gore o kopanele le bone. Tsweetswee botsa Basupi ba ga Jehofa ba mo lefelong la gaeno gore go tla kopanwa ka nako mang le gore go tla dirisiwa lefelo lefe go tshwara pokano eno e e kgethegileng.