Tiragalo e re Tshwanetseng go e Gakologelwa

KE TIRAGALO efe eno? Ke loso lwa monna mongwe yo o tlhokafetseng dingwaga tse di ka nnang 2 000 tse di fetileng. O ne a re: “Ke neela moya wa me, gore ke tle ke o amogele gape. Ga go na motho ope yo o o tsereng mo go nna, mme ke o neela ka bogame.” (Johane 10:17, 18) Monna yoo e ne e le Jesu Keresete.

Jesu o ne a laela balatedi ba gagwe go keteka Segopotso sa loso lwa gagwe lwa setlhabelo. Gape tiragalo eno e bidiwa “sejo sa Morena sa maitseboa,” kgotsa “selalelo sa Morena.” (1 Bakorintha 11:20; King James Version) Segopotso se Jesu a neng a se tlhoma go keteka loso lwa gagwe se tla ketekwa ke Basupi ba ga Jehofa le ditsala tsa bone ka Labone, March 24, 2005 fa letsatsi le sena go phirima.

Puo e e theilweng mo Baebeleng e tla tlhalosa gore senkgwe se se sa bedisiwang le beine e khibidu tse di dirisiwang mo moketeng oo di tshwantshetsa eng. (Mathaio 26:26-28) Gape puo eno e tla araba dipotso tse di tshwanang le tseno: Bakeresete ba tshwanetse go keteka tiragalo eno ga kae? Ke mang yo o tshwanetseng go ja le go nwa ditshwantshetso, e leng senkgwe le beine? Ke mang yo o solegelwang molemo ke loso lwa ga Jesu? Tiragalo eno e e botlhokwa e tla thusa botlhe go anaanela boikaelelo jwa loso le botshelo jwa ga Jesu.

O tla amogelwa ka diatla tsoopedi kwa Segopotsong sa loso lwa ga Jesu. Tsweetswee botsa Basupi ba ga Jehofa ba lefelo la lona ka lefelo le go tla kopanelwang mo go lone le nako.