TORA YA TEBELO—MAKASINE O O ITHUTIWANG March 2013
Kgatiso eno e thusa Bakeresete botlhe go bona gore ba ka tswelela jang ba le mo lobelong lwa botshelo. Gape e re lemotsha kafa re ka itseng dipelo tsa rona le Modimo wa rona Jehofa ka gone.
Ba ba Ratang Jehofa “Ga ba Na Sekgopi”
Ke ka tsela efe ba ba ratang Jehofa ba se nang sekgopi? Ithute ka se se ka re thusang go tswelela re le mo lobelong lwa botshelo.
A o Na le ‘Pelo ya go Itse’ Jehofa?
Mafoko a ga moporofeti Jeremia a ka go thusa gore o tswelele o na le pelo ya tshwantshetso e e itekanetseng.
E re Ka o “Simolotse go Itse Modimo”—O Tla Dira Eng Jaanong?
Ithute lebaka la go bo go le botlhokwa go nna o tlhatlhoba tumelo ya gago le boineelo jwa gago mo go Jehofa Modimo.
Gomotsega O bo O Gomotse ba Bangwe
Rotlhe re kile ra lwala gongwe e bile bangwe ba rona re kile ra tshwarwa ke bolwetse jo bo masisi. Fa re lebane le mathata a a ntseng jalo, ke eng se se ka re thusang gore re a itshokele?
Jehofa—Lefelo la Rona la Bonno
Le fa gone re tshela mo lefatsheng le le boikepo, ke eng fa re ka tlhomamisega gore Jehofa o tla sireletsa batho ba gagwe?
Tlotla Leina la ga Jehofa le Legolo
O leba jang tshiamelo ya go dirisa leina la ga Jehofa? Go kaya eng go itse leina la Modimo le go tsamaya mo go lone?
A Tota e Kwadilwe ke Josephus?
A rahisitori wa Mojuda e bong Flavius Josephus ke ene a kwadileng mokwalo o o bidiwang Testimonium Flavianum?
O se Ka wa Felelwa ke Tsholofelo!
O se ka wa felelwa ke tsholofelo ya gore kgabagare motho o tla amogela boammaaruri. Bala ka bangwe ba ba dirileng jalo le lebaka la go bo ba dirile jalo.
