Letlha le le Botlhokwa Thata mo Hisitoring

Ke letlha le Jesu Keresete a neng a swa ka lone. Ke ka ntlha yang fa loso lwa ga Jesu lo le botlhokwa thata jaana? Ka ntlha ya mabaka a le mmalwa.

Go ikanyega ga ga Jesu go fitlha a swa go ile ga bontsha gore batho ba ka kgona go nna ba ikanyega mo Modimong.

Gape loso lwa ga Keresete lo ne lwa naya batho tshono ya go busa le ene kwa legodimong. Gape, lo ne lwa dira gore go kgonege gore batho ba le bantsi ba itumelele botshelo jo bo sa khutleng mo lefatsheng la paradaise.

Mo maitseboeng a pele ga Jesu a swa, o ne a dirisa senkgwe se se sa bedisiwang le beine e khibidu e le ditshwantshetso tsa setlhabelo se a se ntshitseng ka lorato. Mme o ne a raya barutwa ba gagwe a re: “Nnang lo dire seno e le go nkgopola.” (Luke 22:19) A le wena o tla gopola tiragalo eno e e botlhokwa?

Basupi ba ga Jehofa ba go laletsa ka lorato gore o kopanele le bone fa ba gopola Segopotso sa loso lwa ga Jesu. Monongwaga Segopotso se ka Labone, April 9, fa letsatsi le sena go phirima. O ka ya kwa Holong ya Bogosi e e gaufi le legae la gago. Tsweetswee ikgolaganye le Basupi ba ga Jehofa ba lefelo la lona gore ba go bolelele nako le lefelo le Segopotso se tla tshwarelwang kwa go lone.