Dikarabo Tsa Dipotso Tsa Baebele
A re ka itse boammaaruri ka Modimo?
Goreng Modimo a batla re itse boammaaruri? Bala Johane 17:3
Modimo o ne a bua le batho. O dirisitse moya o o boitshepo kgotsa maatla a gagwe go tsenya dikakanyo tsa gagwe mo megopolong ya bakwadi ba Baebele. (2 Petere 1:20, 21) Re ka itse boammaaruri ka Modimo fa re ithuta Baebele.—Bala Johane 17:17; 2 Timotheo 3:16.
Modimo o senola dilo di le dintsi ka ene mo Baebeleng. O re bolelela gore ke ka ntlha yang fa a bopile batho, o tla ba direla eng le gore o batla ba tshela jang. (Ditiro 17:24-27) Jehofa Modimo o batla gore re itse boammaaruri ka ene.—Bala 1 Timotheo 2:3, 4.
Goreng Modimo a amogela batho ba ba ratang boammaaruri?
Jehofa ke Modimo wa boammaaruri e bile o ne a romela Morwawe e bong Jesu go ruta batho boammaaruri. Ka jalo, batho ba ba ratang boammaaruri ba rata Jesu. (Johane 18:37) Modimo o batla go obamelwa ke batho ba ba ntseng jalo.—Bala Johane 4:23, 24.
Satane Diabolo o dirile gore batho ba le bantsi ba se ka ba itse Modimo ka go anamisa dithuto tsa maaka ka Modimo. (2 Bakorintha 4:3, 4) Batho ba ba sa rateng se se siameng, ba kgatlhiwa ke dithuto tse di ntseng jalo tsa maaka. (Baroma 1:25) Mme bontsi jwa batho ba ba siameng ba ithuta Baebele go bona boammaaruri ka Modimo.—Bala Ditiro 17:11.
Tse Dingwe Tse O ka Di Kgatlhegelang
KA GA RONA
Ke Eng fa o Tshwanetse go Ithuta Baebele?—Bidio e e Feletseng
Baebele e thusa batho ba le dimilione mo lefatsheng lotlhe go bona dikarabo tsa dipotso tse di botlhokwa thata mo botshelong. A o ka rata go nna mongwe wa bone?
TORA YA TEBELO
Modimo o Ntse Jang?
Go na le dilo tse dintsi tse di rategang ka botho jwa Modimo mme mo go tsone go na le di le nnê tse di tlhomologileng thata.
BAEBELE—E NA LE MOLAETSA OFE?
Ke Eng fa o Tshwanetse go Ithuta Baebele?
Sekaseka dintlha dingwe tse di ka go thusang tse di malebana le Baebele, buka e e itsegeng thata mo lefatsheng.
