Batho ba le bantsi ba akanya gore ga go na sepe se se ka rarabololang mathata a a tla nnang gone ka 2024. Mme gone go na le tsholofelo ka bokamoso. Re ka e bona kae?

 Baebele e re solofetsa gore Modimo o tla rarabolola mathata otlhe a a dirang gore re se ka ra itumelela botshelo. Go ise go ye kae, Modimo “o tla phimola dikeledi tsotlhe mo matlhong a [rona], mme loso lo tla bo lo sa tlhole lo le teng, e bile go tla bo go sa tlhole go na le khutsafalo kgotsa selelo kgotsa botlhoko.”—Tshenolo 21:4.

•    Go ithuta mo go oketsegileng ka ditsholofetso tsa Baebele tsa mo nakong e e tlang, bala setlhogo se se reng “Tsholofelo ya Mmatota ya Bokamoso jo bo Itumedisang.”

 Baebele e go naya tsholofelo e e ka go thusang go lwantsha maikutlo a a sa siamang le go go thusa go akanya sentle ka bokamoso. (Baroma 15:13) Gape Baebele e ka go naya kgakololo e e ka go thusang go lebana le mathata a o nang le one, a a jaaka go sotlega, go se tshwarwe sentle le go lwala.

•    Bona gore tsholofelo e e mo Baebeleng e thusitse jang monna mongwe go nna le kagiso le go itumela, le fa gone a godile a sotlega. Leba bidio ya setlhogo se se reng Juan Pablo Zermeño: Jehofa o Nthusitse Fela Thata.

•    Bona gore Baebele e ka go thusa jang fa o ikutlwa molato, o kgobegile marapo, o tlhobaela le fa o tlhokafaletswe ke mongwe. Bala setlhogo se se reng “A Baebele e ka Nkgomotsa?”

•    Bona gore Baebele e thusitse jang mosadi mongwe yo e neng e le lesole, yo o neng akanya gore o “setlhogo,” go bona tsholofelo. Leba bidio ya setlhogo se se reng Ke Tlogela go Dirisa Tlhobolo.

 Dira gore wena le lelapa la gago lo itumelele ngwaga wa 2024. Ithute mo go oketsegileng gore Baebele e ka go thusa jang. Leka go ithuta Baebele le mongwe mahala. Bona gore Modimo a ka go naya jang “kagiso”, “bokamoso le tsholofelo” gone jaanong.​—Jeremia 29:11.