Batho ba utlwa botlhoko fa ba swabisiwa ke batho ba ba ba tshepang. Bontsi ga bo sa tlhole bo tshepa . . .

•   boradipolotiki ba ba ikakanyetsang ba le bosi fela.

•   boradikgang ba ba begang dikgang tse di seng boammaaruri e bile ba se tekatekano.

•   baitsesaense ba ba sa direleng batho dilo tse di molemo.

•   baeteledipele ba bodumedi ba ba tshegetsang dipolotiki go na le gore ba emele Modimo.

 Go a tlhokega gore re nne kelotlhoko ka gore re tshepa mang. Baebele e a re:

•   “Lo se ka lwa ikanya dikgosana, le fa e le ngwana wa motho yo go se nang thuso epe mo go ene.”​—Pesalema 146:3, Baebele e e Boitshepo.

 Baebele e a re motho yo re ka mo tshepang ke Jesu Keresete. E ne e se fela monna yo o siameng yo o ileng a tshela bogologolo mme gape Modimo o ile a mo tlhoma go busa “e le Kgosi, mme Bogosi jwa gagwe ga bo kitla bo khutla.” (Luke 1:32, 33) Jesu ke Kgosi ya Bogosi Jwa Modimo, e leng puso e e setseng e busa kwa legodimong.​—Mathaio 6:10.

•   Go bona gore goreng o ka tshepa Jesu, bala setlhogo se se reng “Kgosi ya Bogosi Jwa Modimo ke Mang?” le se se reng “Bogosi Jwa Modimo bo Tla Dira Eng?”