NNANG LO DISITSE!
Baitsesaense ba Isitse Tshupanako ya Letsatsi la Tshenyego Kwa Pele—Baebele e a Reng ka Kgang Eno?
Ka January 24, 2023, baitsesaense ba ne ba isa Tshupanako ya Letsatsi la Tshenyego a ya tshwantshetso gaufi le bosigogare, se se rayang gore lefatshe le ya bokhutlong.
“‘Tshupanako ya Letsatsi la Tshenyego’ e tshwantshetsa gore batho ba tlile go senngwa. Ka Labobedi, baitsesaense ba ile ba isa nako eo gaufi le bosigogare, ka ntlha ya ntwa ya kwa Ukraine, go tshaba dintwa tsa nuklea le ka ntlha ya maemo a bosa a a sa iketlang.”—AFP International Text Wire.
“Ka Labobedi, baitsesaense ba ile ba re ba isitse nako ya ‘Letsatsi la Tshenyego’ kwa pele ka metsotswana e le 90 pele ga bosigogare—seo se ile sa dira gore batho ba akanye gore letsatsi la aramagedona le gaufi go feta le e leng pele.”—ABC News.
“Setlhopha sa baitsesaense se ile sa tlhagisa gore matshelo a batho a mo kotsing go feta mo nakong e e fetileng.”—The Guardian.
A re gaufi le go fedisiwa, go akaretsa le polanete e re tshelang mo go yone? A re tshwanetse go boifisiwa ke se se tlileng go diragala? Baebele e a reng ka kgang eno?
Se bokamoso bo re tshwaretseng sone
Go ya ka Baebele, ‘lefatshe le tla tswelela le le gone ka bosakhutleng’ e bile batho “ba tla nna mo go lone ka bosakhutleng.” (Moreri 1:4; Pesalema 37:29) Ka jalo, batho ga ba kitla ba fedisa lefatshe kgotsa ba dira gore re se ka ra kgona go tshela mo go lone.
Le fa go ntse jalo, Baebele e a tle e bue ka bokhutlo jwa lefatshe. Ka sekai, e a re “lefatshe le a feta.”—1 Johane 2:17.
Fa o batla go bona gore Baebele e kaya eng fa e re lefatshe le ya bokhutlong, bala setlhogo se se reng “Is the World Coming to an End? What Is the Apocalypse?”
Fa o batla go ithuta ka nako ya dilo tse di tlileng go direga mo lefatsheng, bala setlhogo se se reng “Lefatshe le Tla Fela Leng?”
Tswelela o leba dilo sentle
Baebele e ka re thusa go leba dilo sentle le fa go na le mathata mo lefatsheng. E ka dira seo jang?
Baebele e ka re naya kgakololo e re ka e dirisang mo matshelong a rona. (2 Timotheo 3:16, 17) Ka sekai, bala setlhogo se se reng “How to Control Worry” go bona gore Baebele e ka re thusa jang fa re na le mathata.
Baebele e re thusa gore re nne le tsholofelo ka bokamoso jwa rona. (Baroma 15:4) E re tlhalosetsa dilo tse re ka di solofelang gone jaanong le mo nakong e e tlang, mme seo se re thusa gore re se ka ra tshoga le fa go ka diragala eng gone jaanong.
Fa o batla go ithuta mo go oketsegileng ka se Baebele e se rutang, re go laletsa gore o ithute le rona Baebele mahala.
a “Tshupanako ya Letsatsi la Tshenyego e diretswe go tlhagisa batho kafa re leng gaufi ka gone go senya lefatshe la rona ka didirisiwa tse di kotsi tsa thekenoloji tse re di dirang. E re gopotsa dilo tse re tshwanetseng go di dira fa e le gore re batla go falola.”—Bulletin of the Atomic Scientists.
Tse Dingwe Tse O ka Di Kgatlhegelang
DIKARABO TSA DIPOTSO TSA BAEBELE
Ntwa ya Haramagedona ke Eng?
Lefoko Haramagedona le tlhaga gangwe fela mo Baebeleng, mme ntwa e le buang ka yone e tlhalosiwa mo Dikwalong ka kakaretso.
ESSENTIAL BIBLE TEACHINGS
Goreng Modimo a sa Fedise Dilo Tse di Bosula?
Batho ba le bantsi ba ipotsa gore ke eng fa batho ba tletse letlhoo e bile ba bogisa ba bangwe. Dikarabo tsa dipotso tseno di mo Baebeleng.
TSOGANG!
Modimo o re Ruta Go Nna le Tsholofelo
Ithute ka dilo tse Modimo a solofetsang go re direla tsone mo nakong e e tlang.
ESSENTIAL BIBLE TEACHINGS
Goreng Modimo a Ile a Bopa Lefatshe?
Lefatshe la rona le tletse ka dilo tse dintle. Ga a dira gore le nne gaufi thata le letsatsi kgotsa kgakala thata le lone, gape o ile a dira gore le dikologe ka lobelo lo lo lekaneng. Goreng Modimo a ile a tsaya matsapa a makanakana go dira gore lefatshe le nne lentle thata jaana?
KA GA RONA
Kopa Thuto ya Baebele ya Mahala
Tlotlang ka potso nngwe ya Baebele kgotsa ithute mo go oketsegileng ka Basupi ba ga Jehofa.
