BOTSHELO JWA BOKERESETE
Tsela e Ntšha ya go Simolola Dipuisano
Fa e sa le ka January 2016, tsebe ya bofelo ya Tora ya Tebelo ya batho botlhe e ntse e na le setlhogo se se reng “Baebele ya Reng ka Kgang Eno?” Setlhogo seno se sesha se diretswe go re thusa go simolola metlotlo ya Baebele le batho. Se rulagantswe ka tsela e e tshwanang le ya dipampitshana. Go na le potso, karabo e e tswang mo Baebeleng le dintlha tse di oketsegileng tse go ka tlotliwang ka tsone.
Gantsi motlotlo o o monate o felela ka thuto ya Baebele. Dirisa setlhogo seno se sesha go thusa batho ba le bantsi ba ba nyoretsweng boammaaruri.—Mat 5:6.
O KA DIRISA SETLHOGO SENO JANG?:
-
Botsa mong wa ntlo nngwe ya dipotso
-
Reetsa karabo ya gagwe o bo o mo akgola
-
Bala temana e e kafa tlase ga setlhogwana se se reng “Se Baebele e se Buang?” o bo o mmotsa gore o akanyang ka yone. Fa a na le nako, tswelela ka motlotlo o dirisa ntlha nngwe e e kafa tlase ga setlhogwana se se reng “Re ka Ithuta Eng Gape mo Baebeleng?”
-
Mo neye makasine
-
Rulaganya go boela kwa go ene go ya go sekaseka potso ya bobedi