10:13

Jehofa a ka tlhopha go tlosa bothata bongwe jo re nang le jone. Mme gantsi o re direla “tsela ya go tswa” ka go re naya se re se tlhokang gore re kgone go itshokela mathata kgotsa diteko.

• O kgona go re thusa go akanya sentle e bile o re kgothatsa le go re gomotsa a dirisa Baebele, moya o o boitshepo, dikgatiso, dipokano le dikopano. —Mat 24:45; Joh 14:16; Bar 15:4

• O re kaela a dirisa moya o o boitshepo. Fa re lebana le diteko, moya o o boitshepo o ka re thusa go gopola dipego le melaometheo ya Baebele re bo re kgona go dira ditshwetso tse di siameng.—Joh 14:26

• A ka dirisa baengele go re thusa.—Bah 1:14

• A ka re nonotsha ka go dirisa bakaulengwe le bokgaitsadi mo phuthegong.—Bak 4:11