GORENG GO LE BOTLHOKWA: Fa e le gore dikakanyo tsa motho di tshwana le “metsi a a boteng,” go raya gore dipotso e ka nna emere e e re thusang go a gelela. (Dia 20:5) Dipotso di re thusa go itse gore motho o akanyang gore re kgone go mo thusa. Jesu o ne a dirisa dipotso fa a ruta. Re ka etsa sekao sa gagwe jang?

SE O KA SE DIRANG:

• Botsa dipotso tse di fatang maikutlo. Jesu o ne a botsa barutwa ba gagwe dipotso tse di farologaneng go leka go tlhaloganya tsela e akanyang ka yone. (Mat 16:13-16; be 238 ¶3-5) Wena ke dipotso dife tse o ka di botsang?

• Botsa dipotso tse di thusang motho go tlhaloganya ntlha e lo ithutang yone. Jesu o ne a botsa Petere dipotso le go mo naya dikarabo tse mo go tsone Petere a neng a tlhoka go tlhopha e le nngwe e e siameng. Seo se ile sa dira gore Petere a bone ntlha e Jesu a neng a leka go mo e ruta. (Mat 17:24-26) Wena ke dipotso dife tse o ka di dirisang?

• Mo akgole. Jesu o ile a akgola mokwadi mongwe yo o neng a mo “arabile” sentle. (Mar 12:34) O ne o ka akgola jang motho yo o arabileng potso e o neng o mmotsa yone?

LEBA KAROLO YA NTLHA YA BIDIO YA DIRA TIRO E JESU A NENG A E DIRA—RUTA, GO TSWA FOO ARABA DIPOTSO TSE DI LATELANG:

• Goreng eno e se tsela e e siameng ya go ruta?

• Mo godimo ga go tlhalosa tshedimosetso, ke eng gape se re tshwanetseng go se dira?

LEBA KAROLO YA BOBEDI YA BIDIO ENO, GO TSWA FOO ARABA DIPOTSO TSE DI LATELANG:

• Mokaulengwe o ile a dirisa dipotso jang ka tsela e e molemo?

• Ke eng se gape re ka ithutang sone mo tseleng e a rutang ka yone?