Kgaolo 8 le 9 ya buka ya Mathaio di bua ka bodiredi jwa ga Jesu fa a ne a le kwa kgaolong ya Galalea. Fa Jesu a ne a fodisa batho o ne a bontsha gore o na le maatla mme sa botlhokwa le go feta, o ne a bontsha gore o rata batho le gore o ba utlwela botlhoko.

1. Jesu o ile a fodisa motho yo o neng a na le lepero.—Mat 8:1-3

2. Jesu o ile a fodisa motlhanka mongwe wa modiredi wa masole.—Mat 8:5-13

   O ile a fodisa mogogwadiagwe Petere.—Mat 8:14, 15

   O ile a leleka madimona mo bathong le go fodisa ba ba neng ba lwala.—Mat 8:16, 17

3. Jesu o ile a lelekela madimona a a bogale mo serapeng sa dikolobe.—Mat 8:28-32

4. Jesu o ile a fodisa monna yo o suleng ditokololo.—Mat 9:1-8

   Jesu o ile a fodisa mosadi yo o ileng a ama seaparo sa gagwe e bile o ile a tsosa morwadie Jairo yo o neng a sule.—Mat 9:18-26

   O ile a fodisa batho ba ba sa boneng le ba ba sa kgoneng go bua.—Mat 9:27-34

5. Jesu o ile a etela metse le metsana a alafa bolwetse le bokoa jwa mofuta mongwe le mongwe.—Mat 9:35, 36

Nka bontsha ba bangwe jang gore ke a ba rata le gore ke ba utlwela botlhoko?