BOTSHELO JWA BOKERESETE
Go Tokafatsa Bokgoni Jwa Rona mo Bodireding—Go Thusa Batho go Nna Barutwa
GORENG GO LE BOTLHOKWA: Jehofa o thusa batho gore ba itse boammaaruri le gore bo gole mo dipelong tsa ba ba nang le “tshekamelo e e siameng ya go bona botshelo jo bo sa khutleng.” (Dit 13:48; 1Bak 3:7) Re dira mmogo le Jehofa mo bodireding ka go thusa batho ba ba batlang go dirisa se ba se ithutileng. (1Bak 9:26) Batho ba re ba rutang Baebele ba tlhoka go itse botlhokwa jwa go kolobediwa gore ba kgone go bolokwa. (1Pe 3:21) Fa re dira gore e nne barutwa, re ba thusa go dira diphetogo mo matshelong a bone. Gape re ba thusa gore ba rere, ba rute ba bangwe le gore ba ineele mo go Jehofa.—Mat 28:19, 20.
SE O KA SE DIRANG:
-
Gopotsa batho ba o ba rutang Baebele gore lebaka la go bo ba ithuta ke gore ba itse Jehofa le gore ba mo itumedise.—Joh 17:3
-
Ba thuse go gatela pele mo phuthegong ka go dira gore ba kgone go fenya dikgwetlho tse ba lebanang le tsone jaaka go tlogela mekgwa e e sa siamang le ditsala tse di sa siamang
-
Pele ba kolobediwa le fa ba sena go kolobediwa, ba nonotshe le go ba kgothatsa.—Dit 14:22
LEBA BIDIO YA JEHOFA MODIMO WA GAGO O TLA GO EMA NOKENG, O BO O ARABA DIPOTSO TSE DI LATELANG:
-
Ke dilo dife tse di ka dirang gore motho a tshabe go ineela le go kolobediwa?
-
Bagolwane ba ka thusa jang batho ba ba ithutang Baebele gore ba gatele pele mo phuthegong?
-
Isaia 41:10 e re ruta eng ka Jehofa?
-
Ke dinonofo dife tse di ka re thusang gore re direle Jehofa ka tsela e a e batlang le fa re sa itekanela