Tsela e kgang eno e ileng ya rarabololwa ka yone, e re ruta eng?

15:1, 2—Go nna boikokobetso le go nna pelotelele. Paulo le Barenabase ga ba a ka ba rarabolola bothata jono ka bobone, go na le moo, ba ile ba kopa kaelo kwa go ba ba neng ba eteletse pele mo phuthegong ya ga Jehofa.

15:28, 29—Go ikanya phuthego ya Modimo. Phuthego e ne e dumela gore Jehofa o tla dirisa moya wa gagwe o o boitshepo le Keresete Jesu go rarabolola bothata jono.

16:4, 5—Go nna kutlo. Maloko a diphuthego a ne a nonofa mo tumelong e bile diphuthego di ne tsa oketsega fa di ne di dirisa kaelo e e tswang kwa setlhopheng se se laolang.