BOTSHELO JWA BOKERESETE
Thusa Bana ba Gago Gore ba Dumele mo Mmoping
Popo e bolela kgalalelo ya ga Jehofa. (Pes 19:1-4; 139:14) Le fa go ntse jalo, lefatshe la ga Satane le tlhotlheletsa dithuto tse di tlontlololang Mmopi. (Bar 1:18-25) O ka thibela jang dikgopolo tseo gore di se ka tsa nwelelela mo dipelong le mo ditlhaloganyong tsa bana ba gago? Ba thuse ba sa ntse ba le bannye gore ba nne le tumelo ya gore Jehofa o teng e bile o a ba kgathalela. (2Bak 10:4, 5; Bae 6:16) Ba botse gore ba akanya eng ka se ba se rutiwang kwa sekolong o bo o dirisa didirisiwa tse o nang le tsone go ba fitlhelela dipelo.—Dia 20:5; Jak 1:19.
LEBA BIDIO YA SE BALEKANE BA GAGO BA SE BUANG—GO DUMELA MO MODIMONG, O BO O ARABA DIPOTSO TSE DI FA TLASE FANO:
Ke kgopolo efe e phoso e batho ka bontsi ba nang le yone ka Modimo?
Ke eng se lo se rutiwang kwa sekolong?
Ke eng se se go tlhomamisetsang gore Jehofa o teng?
O ka thusa jang motho yo mongwe gore a dumele gore Modimo ke ene a bopileng dilo tsotlhe?
Tse Dingwe Tse O ka Di Kgatlhegelang
DIPOTSO TSE BASHA BA DI BOTSANG
Popo Kgotsa Thutotlhagelelo?—Karolo 1: Goreng o Tshwanetse go Dumela mo Modimong?
A o ka rata go nna pelokgale fa o tlhalosa lebaka la go bo o dumela mo Modimong? Bona dikakantsho tsa kafa o ka arabang ka gone fa mongwe a go botsa ka se o se dumelang.
