Fa e le gore o mosha e bile o mmoledi yo o sa kolobediwang kgotsa o ithuta Baebele, a o ipeetse mokgele wa go kolobediwa? Goreng o tshwanetse go kolobediwa? Go ineela le go kolobediwa go dira gore re nne le botsala jo bo kgethegileng le Jehofa. (Pes 91:1) Gape go tla dira gore re bolokiwe. (1Pe 3:21) O ka dira eng gore o ineele mo go Jehofa o bo o kolobediwe?

Nna le mabaka a a go tlhatswang pelo gore se o se dumelang ke boammaaruri. Fa o batla dikarabo tsa dipotso dingwe, dira dipatlisiso. (Bar 12:2) Itshekatsheke gore a o tlhoka go dira diphetogo dingwe. Mme fa o dira diphetogo, di dire ka gonne o batla go itumedisa Jehofa. (Dia 27:11; Bae 4:23, 24) Kopa Jehofa gore a go thuse ka metlha. Itse gore Jehofa o tla go nonotsha e bile o tla go tshegetsa a dirisa moya wa gagwe o o boitshepo. (1Pe 5:10, 11) Matsapa a o a tsayang ga se a lefela. Fa re direla Jehofa re tla itumelela botshelo!—Pes 16:11.

LEBANG BIDIO YA GO IPAAKANYETSA GO KOLOBEDIWA LO BO LO ARABA DIPOTSO TSE DI LATELANG:

• Ke dikgwetlho dife tse bangwe ba ileng ba lebana le tsone gore ba kgone go kolobediwa?

• O ka dira eng gore o nne le tumelo e e tla go thusang gore o ineele mo go Jehofa?

• Ke eng se se thusitseng ba bangwe gore ba feleletse ba kolobeditswe?

• Jehofa o segofatsa jang ba ba tlhophang go mo direla?

• Go ineela mo go Jehofa le go kolobediwa go kaya eng?