Jehofa o ne a rulaganya Baiseraele bogologolo mme gompieno o rulaganya batho ba gagwe gore ba dire tiro e a ba abetseng yone. Mo lefatsheng lotlhe, bakaulengwe le bokgaitsadi botlhe ba ba kwa diofising tsa makala, mo diphuthegong le mo ditlhopheng tsa tirelo ya tshimo, ba bereka mmogo gore dikgang tse di molemo di rerwe. Re rerela batho botlhe, tota le ba ba buang puo e re sa e bueng.—Tsh 14:6, 7.

A o ile wa akanyetsa go ithuta puo e nngwe gore o rute batho ba bangwe boammaaruri? Le fa o sena nako ya go ithuta puo e nngwe, o ka kgona go dirisa app ya JW Language gore o ithute sengwe se se motlhofo gore o kgone go rerela ba bangwe. Fa o sena go rerela batho ka puo e o ithutileng mo JW Language, o tla ikutlwa fela jaaka Bakeresete ba motlha wa baaposetoloi. Ba ne ba itumetse tota fa ba bona batho ba ba tswang kwa mafelong a mangwe ba itumelela go utlwa “dilo tse dikgolo tsa Modimo” ka dipuo tse ba di buang.—Dit 2:7-11.

LEBANG BIDIO YA NNA TSALA YA GA JEHOFA—RERA KA PUO E SELE, LO BO LO ARABA DIPOTSO TSE DI LATELANG:

• O ka dirisa app ya JW Language leng?

• JW Language e na le eng?

• Batho ba mo tshimong ya lona ba bua dipuo dife?

• O tshwanetse go dira eng fa mongwe a bua puo e nngwe mme a eletsa go utlwa molaetsa wa Bogosi?—od 100-101 ¶39-41