Jehofa o go tsaya o le botlhokwa. (Isa 43:4) O ne a go gogela kwa ene le mo phuthegong ya gagwe. Gone jaanong o motlhanka wa ga Jehofa ka gonne o ile wa ineela mo go ene o bo o kolobediwa. Jehofa o tla go tlhokomela jaaka thuo e e kgethegileng, le fa o lebane le mathata. O tla go bontsha lorato lo lo sa kgaotseng a dirisa phuthego ya gagwe.—Ps 25:10.

Re ka bontsha gore re anaanela lorato lo lo sa kgaotseng lwa ga Jehofa ka go akanya ka se phuthego ya gagwe e se dirileng ka nako ya masetlapelo a tlholego a a diregang gone jaanong.

LEBANG BIDIO YA PEGO YA KOMITI YA BARULAGANYI YA 2019, LO BO LO ARABA DIPOTSO TSE DI LATELANG:

• Komiti ya Barulaganyi e ile ya thusa jang diofisi tsa makala go nna ba ipaakantse fa go ka nna le masetlapelo a tlholego?

• Phuthego ya ga Jehofa e ile ya thusa jang bakaulengwe le bokgaitsadi ba kwa Indonesia le Nigeria ka dilo tse ba di tlhokang?

• Ke eng se o se anaanelang ka se phuthego ya ga Jehofa e se dirang ka nako ya mogare wa COVID-19?