Dipokano di botlhokwa mo kobamelong ya rona. (Ps 22:22) Botlhe ba ba kopanang go obamela Jehofa ba bona masego e bile ba a itumela. (Ps 65:4) Batho ba ba ithutang Baebele ba dira diphetogo ka bonako fa ba nna gone mo dipokanong ka metlha.

O ka thusa jang motho yo o ithutang le ene gore a kopanele? Nna o ba laletsa gore ba tle dipokanong. Ba bontshe bidio ya Go Dirwang Kwa Holong ya Bogosi? Gape ba tlhalosetse gore go nna gone kwa dipokanong go ka ba solegela molemo jang. (lff thuto 10) O ka na wa ba bolelela se o ithutileng sone kwa dipokanong kgotsa wa ba tlotlela ka dintlha tse go tlileng go tlotliwa ka tsone mo dipokanong tse di latelang. Naya motho yo o ithutang le ene kgatiso e e tlileng go dirisiwa kwa dipokanong. Gape ba thuse. Gongwe ba ka tlhoka sepalangwa sa go ya dipokanong. Maiteko a gago ga e kitla e nna a lefela fa motho yo o ithutang Baebele le wena a ya dipokanong lekgetlho la ntlha.—1Bk 14:24, 25.

LEBANG BIDIO YA THUSA BATHO BA O ITHUTANG LE BONE GORE BA YE DIPOKANONG, LO BO LO ARABA DIPOTSO TSE DI LATELANG:

• Lesego o ne a dirisa tshono efe go laletsa Mmasentle go tla dipokanong?

• Goreng re itumela fa motho yo re ithutang Baebele le ene a tla dipokanong?

• Ke eng se se neng sa diragalela Mmasentle lekgetlho la ntlha fa a ne a le kwa dipokanong?